Plymouth Sound

Plymouth Sound er ei bukt i England ved Den engelske kanalen. Ho ligg utanfor byen Plymouth. Lokalt blir ho også berre kalla The Sound.

Plymouth Sound
bukt
Plymouth og Plymouth Sound
Land	England
Plymouth Sound 50.343°N 4.143°W / 50.343; -4.143
Wikimedia Commons: Plymouth Sound

Skildring

Plymouth Sound i juli 2005.

Endane i sørvest og søraust er Penlee Point i Cornwall og Wembury Point i Devon, som ligg kring 3 nautiske mil (6 km) frå kvarandre. Nordgrensa er Plymouth Hoe, som gjev ei lengd frå nord til sør på kring 3 nautiske mil (6 km).

Bukta har tre vassinnløp. Havinnløpet frå Den engelske kanalen er i sør, med ein djupvasskanal vest for Plymouth Breakwater. Dei to ferskvassinnløpa er frå Tamarelva i nordvest via Hamoaze og Devonport Dockyard og frå Plymelva i nordaust i Cattewater harbour mellom Mount Batten og Royal Citadel.

Historiske hendingar

Scene in Plymouth Sound in August 1815 av J.J. Chalon, olje på lerret.

Napoleon Bonaparte blei halden her i juli og august 1815, ombord på skipet HMS «Bellerophon», etter kapitulasjonen sin etter slaget ved Waterloo.^[1]