Princes of the Universe

«Princes of the Universe» er ein song skriven av Freddie Mercury og framført av Queen. Songen vart skriven for filmen Highlander og gjeven ut på A Kind of Magic i 1986.^[2]

Princes of the Universe Singel av Queen frå albumet A Kind of Magic
B-side	A Dozen Red Roses for My Darling» «Who Wants to Live Forever» (Japan) «Gimme the Prize (Kurgan's Theme)» (Australia) «Was It All Worth It» (2000 Nederland)
Utgjeve	12. mars 1986 (USA, Canada, Australia, New Zealand; Japan)
Innspelt	1985 – 1986
Sjanger	Heavy metal[1]
Lengd	3:32
Selskap	Capitol, EMI
Komponist	Freddie Mercury
Tekstforfattar	Freddie Mercury
Låtskrivar(ar)	Freddie Mercury
Produsent	Queen og Reinhold Mack
Queen-kronologi
«A Kind of Magic» (1986)	Princes of the Universe	«One Year of Love» (1986)

Bakgrunn

«Princes of the Universe», skriven for Highlander, er den einaste songen på albumet som er skriven av Mercury aleine. Han vert spelt under opninga av filmen og seinare nytta som kjenningsmelodi for Highlander: The Series.^[3] Songen vart aldri gjeven ut på singel i Storbritannia, men vert rekna som ein kult-favoritt på grunn av tilknytinga til filmen. I filmen kan ein ikkje høyre gitarsoloen i byrjinga av songen.

Musikkvideo

Musikkvideoen til songen vart regissert av Russell Mulcahy, og filma 14. februar 1986 i Elstree Studios i London, på takscenen til Silvercup som vart nytta i filmen. Han består hovudsakleg av Queen som framfører songen, innimellom scener frå Highlander. Christopher Lambert dukkar opp i rolla som Connor MacLeod i ein kort sekvens. Singelen gjekk ikkje inn på salslistene i USA, men videoen vart mykje spelt på MTV.

Medverkande

• Freddie Mercury - Solo- og korvokal, piano, synthesizer
• Brian May - elektrisk gitar, korvokal
• Roger Taylor - trommer, korvokal
• John Deacon - bassgitar