Proto-algonkinsk

Proto-algonkinsk er eit hypotetisk språk som blei tala for fleire tusen år sidan og som alle algonkinske språk stammar frå. Proto-algonkinsk stamma frå proto-algisk, i lag med dei to algiske språka som ikkje høyrer til den algonkinske greina.

Rekonstruksjon av proto-algonkinsk

Leonard Bloomfield (1946)^[1] rekonstruerte dette proto-algonkinske fonem-systemet, med fire korte og fire lange vokalar og tretten konsonantar:

Proto-algonkinske vokalar

	Fremre urunda	Sentral urunda	Bakre runda
Trong	i - ii
Midtre	e - ee		o - oo
Open		a - aa

Proto-algonkinske konsonantar I

	Labial	Dental	Alveolar	Postalveolar	Palatal	Velar	Glottal
Plosiv/affrikat	p		t	č		k
Frikativ		θ	s	š			h
Nasal	m		n
Approksimant	w		l		y

Ives Goddard har vist at Bloomfields *l i staden må rekonstruerast som *r.^[2][3] Bloomfields *θ var meir kontroversiell, og han meinte sjølv at det kan dreie seg om ein ustemd lateral, og *ɬ er no den aksepterte rekonstruksjonen.^[4] Det reviderte proto-algonkinske konsonantsystemet blir då:

Proto-algonkinske konsonantar II

	Labial	Alveolar	Postalveolar	Palatal	Velar	Glottal
Plosiv/affrikat	p	t	č		k
Median frikativ		s	š			h
Lateral frikativ		ɬ
Nasal	m	n
Rotikon		r
Approksimant	w			y