Queen Jane Approximately

«Queen Jane Approximately» er ein song av Bob Dylan frå albumet Highway 61 Revisited i 1965. Han vart gjeven ut som singel som B-sida til «One of Us Must Know (Sooner or Later)» i januar 1966. Han er òg blitt spelt av mange andre artistar, som The Grateful Dead og The Four Seasons.^[1]

Queen Jane Approximately Song av Bob Dylan frå albumet Highway 61 Revisited
Utgjeve	30. august 1965
Innspelt	2. august 1965
Sjanger	Folkrock, garasjerock[1]
Lengd	5:19
Selskap	Columbia
Komponist	Bob Dylan
Tekstforfattar	Bob Dylan
Låtskrivar(ar)	Bob Dylan
Produsent	Bob Johnston

Musikarane på «Queen Jane Approximately» omfattar Dylan, Mike Bloomfield på elektrisk gitar og Al Kooper og Paul Griffin på klaverinstrument.

Ein har spekulert i kven denne dronning Jane er, og om det kan vere Tudor-dronningane lady Jane Grey og Jane Seymour.^[2] Andre har spekulert i om det kan vere Joan Baez, som har eit namn som liknar på «Jane». I 1965 fortalte Dylan sjølv ein journalist at Queen Jane er ein mann.^[3]

Konsertutgåver

Sjølv om Dylan sjeldan spelte denne songen på konsertane sine,^[2] finst eit konsertopptak på albumet Dylan and the Dead.^[1] I ei undersøking i Mojo frå 2005 blant andre artistar, vart «Queen Jane Approximately» oppført som den 70. beste Bob Dylan-songen.^[4]