Release Me av Hooverphonic

«Release Me» ('slepp meg fri') er ein popballade som vert framført av det belgiske bandet Hooverphonic. Songen vart utgjeven 17. februar 2020 og skulle ha vore det belgiske bidraget i Eurovision Song Contest 2020 i Rotterdam i Nederland, men 18. mars 2020 avlyste EBU Eurovision Song Contest på grunn av koronaviruspandemien i Europa vinteren 2020.^[1][2]

«Release Me» Song av Hooverphonic
Land	Belgia
Språk	Engelsk
Utgjeve	17. februar 2020
Sjanger	Pop
Lengd	03:05
Selskap	Universal Music
Låtskrivar(ar)	Alex Callier, Luca Chiaravalli

Eurovision Song Contest

«Release Me» skulle ha vore det belgiske bidraget i Eurovision Song Contest 2020 etter at den flamske kringkastaren VRT internt valde bandet Hooverphonic til å representere landet i tevlinga. Songen skulle ha delteke i den fyrste semifinalen i Rotterdam Ahoy i Rotterdam i Nederland tysdag 12. mai.^[3] På grunn av koronavirusutbrotet i Europa vinteren 2020 såg EBU seg nøydd til å avlyse Eurovision Song Contest for å hindre spreiing av koronaviruset SARS-CoV-2 og den medfølgjande sjukdomen covid-19.^[4] Hooverphonic representerte Belgia i Eurovision Song Contest 2021, med songen «The Wrong Place».^[2]

Listeplasseringar

Liste (2020)	Høgaste plassering
Belgia (Ultratop Flandern)[5]	21
Belgia (Ultratip Vallonia)[5]	11

Utgjevingshistorikk

Region	Dato	Format	Merke	Ref.
Diverse	17. februar 2020	Digital nedlasting, strøyming	Universal Music Belgium	[6]