Rikki Don't Lose That Number

«Rikki Don't Lose That Number» er ein song frå 1974 av jazzrockgruppa Steely Dan og opningssporet på det tredje albumet deira, Pretzel Logic. Det vart den største hitten deira og han nådde fjerdeplassen på Billboard Hot 100 sommaren 1974.^[1]

Rikki Don't Lose That Number Singel av Steely Dan frå albumet Pretzel Logic
B-side	Any Major Dude Will Tell You
Utgjeve	25. april 1974
Innspelt	1973
Sjanger	Softrock, yachtrock, souljazz
Lengd	3:58 (singel) 4:30 (album)
Selskap	ABC
Tekstforfattar	Donald Fagen
Låtskrivar(ar)	Walter Becker, Donald Fagen
Produsent	Gary Katz
Steely Dan-kronologi
«My Old School» (1973)	Rikki Don't Lose That Number	«Pretzel Logic» (1974)

Jim Gordon speler trommer på songen, som han gjer på det meste av Pretzel Logic. Gitarsoloen er spelt av Jeff «Skunk» Baxter, som slutta i bandet kort tid etter for å bli medlem av The Doobie Brothers.

Victor Feldman speler flapamba^[2] (ein variant av marimba) i starten av songen, som opnar albumet. Dette er ikkje med på den originale singelen på ABC. MCA-versjonen av singelen har med denne flapamba-introen, men tonar ut like før den eigentlege slutten av songen. Opningsriffet er nesten ein direkte kopi av introen på Horace Silver-jazzklassikar «Song for My Father».^[3]

Billboard skildra songen som «fengande, nesten tango-aktig melodi.»^[4]

Medverkande

Musikarar

• Donald Fagen – solo- og korvokal
• Jeff Baxter – elektrisk gitar
• Dean Parks – akustisk gitar
• Michael Omartian – piano
• Walter Becker – bassgitar, korvokal
• Jim Gordon – trommer
• Victor Feldman – perkusjon, marimba
• Tim Schmit – korvokal

Teknisk

• Gary Katz – Produsent
• Roger Nichols – Lydteknikar

Salslister

Vekeslister Liste (1974) Plassering Australia 30 Canada Top Singles (RPM)[5] 3 US Billboard Hot 100[6] 4 US Adult Contemporary (Billboard)[7] 15 US Cash Box Top 100[8] 3

Liste (1979) Plassering UK Singles Chart 58

Årslister Liste (1974) Rangering Canada[9] 53 US Billboard Hot 100[10] 51 US Cashbox Top 100[11] 46

Andre versjonar

• 1983 – Kenji Omura spelte inn ein versjon av songen på det fjerde albumet sitt, Gaijin Heaven.^[12]
• 1984 – Tom Robinson spelte inn sin versjon for albumet Hope and Glory.
• 1992 – Hank Marvin spelte ein instrumental av songen på albumet sitt Into the Light.
• 1994 – Far Corporation spelte ein versjon av songen for albumet deira Solitude.
• 2007 – Chuck Loeb spelte ein instrumental versjon av songen på albumet sitt Presence.
• Mai 2012 – indie poptrioen Hospitality spelte ein versjon av songen The A.V. Club-serien Undercover.^[13]