Rock and Rollin' with Fats Domino

Rock and Rollin' with Fats Domino, i Europa kalla Carry On Rockin', er debutalbumet til R&B-pianisten og vokalisten Fats Domino frå 1955. Det inneheld fleire av hittane hans og andre materiale, som seinare skulle bli hittar. Albumet nådde 17. plassen på Billboard Pop Albums-lista.^[2] Ein trur at det har blitt produsert av lydteknikaren Bunny Robyn fordi det på omslaget står «A Robyn Recording».^[3]

Rock and Rollin' with Fats Domino Studioalbum av Fats Domino
Språk	angloamerikansk
Utgjeve	November 1955
Sjanger	Rock 'n' roll
Selskap	Imperial
Produsent	Bunny Robyn
Fats Domino-kronologi
	Rock and Rollin' with Fats Domino	Fats Domino Rock and Rollin' (1957)

Meldingar
Karakter
Kjelde	Karakter
Allmusic	[1]

Utgjeving

Albumet vart først gjeve ut på Imperial Records med tittelen Carry on Rockin' i november 1955 og seinare med tittelen Rock and Rollin' With Fats Domino.^[4] Det er gjeve forskjellige datoar for nyutgjevinga. The Great Rock Discography indikerer at Imperial 9009 kom ut med alternativ tittel i oktober 1956 og mars 1957,^[4] men Domino-biografien Blue Monday indikerer april 1956.^[3]

Då Domino avslutta kontrakten med Imperial i 1963 for å gå til Paramount, heldt Imperial rettane til dette og fleire andre av albuma til Domino,^[5] og gav det ut på LP så seint som i 1981.^[6] Det har sidan blitt gjeve ut i lag med eit anna tidleg Domino-album, Million Sellers By Fats, som Rock and Rollin' with Fats Domino/Million Sellers by Fats.^[7]

Songar

Sjølv om det var det første albumet til Domion, hadde R&B-pianisten spelt inn singlar i sju år før albumet kom ut.^[8] Albumet var sett saman av hitsinglane til Domino, i tillegg til somme songar som etter kort tid skulle bli hitsinglar, som «Ain't That a Shame» (Nr. 1 på Black Singles, Nr. 10 Pop Singles), «All by Myself» (Nr. 1 på Black Singles), «Poor Me» (Nr. 1 på Black Singles), «Bo Weevil» (Nr. 5 på Black Singles, Nr. 35 på Pop Singles) og «Don't Blame It On Me» (Nr. 9 på Black Singles), men hadde ikkje med «Don't You Know» (Nr. 7 på Black Singles), «I Can't Go On» (Nr. 6 på Black Singles) og «Thinking of You» (Nr. 14 på Black Singles).^[4][9]

Innhald

Alle spor skrivne av Dave Bartholomew og Fats Domino, utanom der andre er nemnde

Side ein

Nr.	Tittel	Lengd
1.	«The Fat Man»	2:38
2.	«Tired of Crying» (Domino)	2:15
3.	«Goin' Home» (Domino, Al Young)	2:11
4.	«You Said You Loved Me»	2:36
5.	«Going to the River»	2:30
6.	«Please Don't Leave Me» (Domino)	2:35

Side to

Nr.	Tittel	Lengd
7.	«Rose Mary»	2:16
8.	«All by Myself»	2:24
9.	«Ain't That a Shame»	2:27
10.	«Poor Me»	2:19
11.	«Bo Weevil»	2:48
12.	«Don't Blame It on Me»	2:42

Medverkande

• Fats Domino – piano, vokal
• Bunny Robyn – antatt produsent^[3]