Rosefamilien

Rosefamilien (Rosaceae) er ein plantefamilie i ordenen Rosales. Han omfattar over 2000 artar fordelt på 100 planteslekter. Det er òg vanleg å dela han i 4 underfamiliar.

Rosefamilien
Utbreiing
Utbreiinga av rosefamilien
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Roseordenen Rosales
Familie:	Rosefamilien Rosaceae Juss., 1789

Artane i rosefamilien gjev oss blant anna eple, pærer, kirsebær, moreller, plommer, bringebær, jordbær, nyper og moltar. Familien er svært utbreidd i Noreg med over 100 artar.

Skildring

Markjordbær med fruktene utanpå bæret.

Plantane i rosefamilien er tofrøblada og frikrona, ofte fleirårige. Blada er spreidde og fjør- eller handnerva. Dei har ofte òg akselblad nede på bladstilken.

Blomane er som regel tokjønna og gjerne regelmessige femtalblomar. Reinrose er eit unntak med åttetalblomar, det same gjeld tepperot og marikåpe som har firetallsblomster.

Fruktene kan vera ei nøtt, ei steinfrukt eller ein kapsel. Mange av plantane får òg falske frukter ved at fruktbotnen skapar ei slags frukt. Dette gjeld til dømes jordbær, der dei eigentlege fruktene sit utanpå bæret, og nyper, der dei ligg inni nypa.

Underfamiliar med kjende slekter

Abraham Darby-rose

Foto: biolib.de

Fersken frå steinfruktslekta.

Roseslekta (Rosoideæ)

• Humleblom (Geum)
• Jordbær (Fragaria)
• Marikåper (Alchemilla)
• Mjødurt (Filipendula)
• Mure (Potentilla)
• Rose (Rosa)
• Rubus, til dømes bringebær
• Sanguisorba, til dømes pimpernell

Epleslekta (kjernefruktslekta) (Maloideae)

• Eple (Malus)
• Hagtorn (Crataegus)
• Kvede (Cydonia)
• Mispel (Cotoneaster)
• Pære (Pyrus)
• Rogn (Sorbus)
• Amelanchier, til dømes søtmispel
• Eriobotrya, til dømes japansk mispel

Steinfruktslekta (Amygdaloideæ)

• Steinfrukt (Prunus)

Spireaslekta (Spiraeoideæ)

• Spirea (Spiraea)

Slekt uklar

• Reinrose (Dryas)

Bakgrunnsstoff

Wikimedia Commons har multimedia som gjeld: Rosefamilien