Shut Down Volume 2

Shut Down Volume 2 er det femte studioalbumet til The Beach Boys og det første av fire album av bandet frå 1964. «Volume 2» i tittelen syner til ei hot rod-samling kalla Shut Down gjeven ut av plateselskapet deira Capitol Records i 1963. Denne samleplata inneheldt «409» og «Shut Down», men var ikkje eit Beach Boys-album.

Shut Down Volume 2 Studioalbum av The Beach Boys
Språk	engelsk
Utgjeve	23. mars 1964
Innspelt	1. januar til 20. februar 1964
Sjanger	Surferock
Lengd	27:05
Selskap	Capitol
Produsent	Brian Wilson
Kritikk
Allmusic lenkje
The Beach Boys-kronologi
Little Deuce Coupe (1963)	Shut Down Volume 2	All Summer Long (1964)

Shut Down Volume 2 nådde 13. plass i USA og låg på lista i 38 veker. I dag finst Shut Down Volume 2 på CD i lag med Surfer Girl, samt bonusspor frå perioden.

Soge

Albumet vart spelt inn medan «Beatlemania» nådde Amerika (og som snart skulle påverke bandleiaren Brian Wilson og karieremåla til The Beach Boys) og Shut Down Volume 2 var meint å sementere bandet som det største bandet i Amerika. I staden vart invasjonen til The Beatles så overveldande at albumet berre nådde 13. plass (men selde etter kvart til gullplate).

Noko av årsaka til dette ligg nok i at tre av spora vert rekna som fyllmateriale for å fylle opp eit heilt album. Høgdepunkta på albumet er likevel nokre av dei mest kjende songane til Beach Boys så langt i karrieren deira med «Fun, Fun, Fun», «Don't Worry Baby», «The Warmth of the Sun» og ei utgåve av Frankie Lymon sin «Why Do Fools Fall In Love». «Pom, Pom Play Girl» var første gong Carl Wilson offisielt song solovokal på ein Beach Boys-song.

Shut Down Volume 2 vart marknadsført som ei «hot rod»-samling etter forgjengaren Little Deuce Coupe hadde gjort det så bra, men The Beach Boys klarte ikkje å halde seg like gjennomført til dette temaet denne gongen, og Brian Wilson var i ferd med å finne nye tema å skrive songar om.

Innhald

Side ein

Nr.	Tittel	Solovokal	Lengd
1.	«Fun, Fun, Fun» (Brian Wilson/Mike Love)	Mike Love	2:03
2.	«Don’t Worry Baby» (Brian Wilson/Roger Christian)	Brian Wilson	2:47
3.	«In the Parkin' Lot» (Brian Wilson/Roger Christian)	Mike Love	2:01
4.	«Cassius Love vs. Sonny Wilson» (Mike Love/Brian Wilson)	Brian Wilson og Mike Love	3:30
5.	«The Warmth of the Sun» (Brian Wilson/Mike Love)	Brian Wilson	2:51
6.	«This Car of Mine» (Brian Wilson/Mike Love)	Dennis Wilson	1:59

Side to

Nr.	Tittel	Solovokal	Lengd
7.	«Why Do Fools Fall In Love» (Frankie Lymon/M. Levy)	Brian Wilson	2:07
8.	«Pom Pom Play Girl» (Brian Wilson/Gary Usher)	Carl Wilson og Mike Love	2:17
9.	«Keep an Eye on Summer» (Brian Wilson/Bob Norman)	Brian Wilson og Mike Love	2:09
10.	«Shut Down, Part II» (Carl Wilson)	Instrumental	2:07
11.	«Louie Louie» (Richard Berry)	Carl Wilson og Mike Love	2:00
12.	«Denny's Drums» (Dennis Wilson)	Instrumental	1:56

Medverkande

The Beach Boys

• Al Jardine – harmonivokal og korvokal, bassgitar, rytmegitar
• Mike Love – solo-, harmon- og korvokal
• Brian Wilson – solo-, harmoni- og korvokal, bassgitar, piano
• Carl Wilson – solo-, harmoni- og korvokal, sologitar
• Dennis Wilson – solo-, harmoni- og korvokal, trommer

Salslister

Album

År	Liste	Plassering
1963	US Billboard 200 Albums Chart	13[1]

Singlar

År	Singel	Liste	Plassering
1964	«Fun, Fun, Fun»	US Billboard Hot 100 Singles Chart	4
1964	«Don't Worry Baby»	US Billboard Hot 100 Singles Chart	24