Silia Kapsis

Vasiliki Silia Kapsis^[a] (fødd 5. desember 2006) er ein australsk songar, dansar og skodespelar av gresk-kypriotisk bakgrunn. Ho representerte Kypros i Eurovision Song Contest 2024 med songen «Liar».^[1][2]

Silia Kapsis
Fødd	5. desember 2006 (18 år)
Fødestad	Sydney
Fødenamn	Vasiliki Silia Kapsis gresk Βασιλική Σίλια Καψή
Opphav	Australia
Sjanger	danse-pop
Instrument	vokal
Verka som	songar, komponist, skodespelar

Bakgrunn

Vasiliki Silia Kapsis blei fødd den 5. desember 2006 i Sydney i Australia,^[3] som dotter av den kypriotiske songaren Jórgos Kapsis og den greske juristen og dansaren Despina «Rebecca» Saivanidis frå Thessaloniki.^[1][4][5] Ho vaks opp i eit musikalsk miljø i Sydney og opptredde allereie som fireåring. Ho har vore forsongar i Australian Youth Performing Arts Company (AYPAC) og har delteke i ei rekkje arrangement og konsertar verda over.^[4]

Debutsingelen «Who Am I?» skreiv Kapsis som tolvåring og gav han ut i 2022. Året etter gav ho ut singlane «No Boys Allowed» og «Disco Dancer». Den fjerde singelen, «Night Out», kom ut i november 2023.^[6] Ho har dansa med ImmaBeast Dance Company i Los Angeles og har jobba med Stephen «tWitch» Boss på The Jennifer Hudson Show. Ho har også delteke i ein dansedokumentar produsert av rapparen Taboo.^[4]

Kapsis debuterte som skodespelar i kortfilmen Pearly Gates i 2022 og har jobba på ulike tv-prosjekt for australske Nickelodeon, blant anna som programleiar for Nick News.^[7][4]

Den 25. september 2023 kunngjorde den kypriotiske kringkastaren RIK at Kapsis skulle representere Kypros i Eurovision Song Contest 2024 i Malmö i Sverige.^[4] Den 29. februar 2024 blei Eurovision-bidraget hennar, «Liar», gjeve ut.^[8] Kapsis blei trekt til å opptre fyrst i den fyrste semifinalen tysdag 9. mai 2024. Der blei ho nummer 6 av 15 bidrag og kvalifiserte seg til finalen laurdag 13. mai 2024.^[9][10] I finalen enda ho på 15. plass av 25 bidrag.^[11]

Merknadar

1. gresk skrift Βασιλική Σίλια Καψή