Sirup

Sirup (seint norrønt sirop av arabisk sharab, 'drikk', via latin) er ei seig løysning av sukker i vatn som ein kan bruka til mat, drikke, fôr eller til å gje medisinar. Sirup er gjerne gul eller brun på farge.^[1]

Sirup laga av maltose

Typar

• Etesirup er danna frå sukkerrøyr som eit biprodukt når ein raffinerer sukker. Inneheld hovudsakleg sukrose og noko invertsukker.^[2]
• Glukosesirup eller stivelsessukkersirup er av stive frå potet eller mais. Inneheld glukose, maltose og dekstrin. Maissirup (corn syrup) er mykje brukt i USA.^[2]
• Invertsukkersirup er danna ved at ein varmar opp ei løysing av raffinert sukker med fortynna syrer. Inneheld glukose og fruktose.^[2]
• Lønnesirup (maple syrup) er laga av sevje frå visse lønnetre.^[2]

Som farmasøytisk preparat kan sirup innehalda løyste stoffer eller droge-uttrekk.^[3]