Sitting on Top of the World

«Sitting on Top of the World» (òg kalla «Sittin' on Top of the World») er ein folk-blues-song skriven av Walter Vinson og Lonnie Chatmon, medlemmar av Mississippi Sheiks, eit populært country-bluesband i 1930-åra. Walter Vinson hevda å ha skrive «Sitting on Top of the World» ein morgon etter å ha spelt til dans i Greenwood i Mississippi.^[1]

Sitting on Top of the World Singel av Mississippi Sheiks
B-side	«Lovely One in This Town»
Utgjeve	1930
Innspelt	17. februar 1930
Sjanger	Blues
Lengd	3:10
Selskap	Okeh (Cat. nr. 8784)
Tekstforfattar	Walter Vinson
Låtskrivar(ar)	Walter Vinson, Lonnie Chatmon
Mississippi Sheiks-kronologi
«Alberta Blues» (1930)	Sitting on Top of the World	«Stop and Listen Blues» (1930)

Songen vart først spelt inn av Mississippi Sheiks i 1930 (på Okeh), og vart ein stor hit for bandet, og vart innlemma i Grammy Hall of Fame i 2008.^[2]

I mai 1930 spelte Charlie Patton inn ein versjon av songen (med anna tekst) kalla «Some Summer Day»”^[3] Dei neste få åra vart «Sitting on Top of the World» spelt inn av mange artistar: The Two Poor Boys, Big Bill Broonzy, Sam Collins, Milton Brown og Bob Wills & His Texas Playboys. Etter at Milton Brown spelte inn songen for Bluebird Records vart songen ein slagar i repertoaret til dei fleste western swing-band.^[1]

«Sitting on Top of the World» har vorte ein standard innan tradisjonell amerikansk musikk. Songen har vorte spelt inn i mange forskjellige stilartar - folk, blues, country, bluegrass, rock – ofte med store variasjonar og/eller tillegg i teksten. Teksten syner ein stoisk optimisme i møtet med kjenslemessige tilbakeslag, og songen har vorte skildra som «ein enkel, elegant destillasjon av blues».

Historie

Tittellinja «Sitting on Top of the World» vart truleg lånt frå ein velkjend popsong i 1920-åra, «I'm Sitting on Top of the World», skriven av Ray Henderson, Sam Lewis og Joe Young (gjort populær av Al Jolson i 1926). Dei to songane er derimot forskjellige, både musikalsk og i tekstinnhald (bortsett frå tittelen).^[4]

Det har vorte hevda at «Sitting on Top of the World» stamma frå tidlegare songar: «How Long, How Long» av Leroy Carr og Scrapper Blackwell, ein blueshit innspelt i 1928, og oppfølgjaren til Carr & Blackwell, «You Got To Reap What You Sow» (1929), med Tampa Red på flaskehals-gitar.^[4] Ein trur òg at Tampa Red komponerte melodien til «Sitting on Top of the World».^[5]

Kjende innspelingar

• Bob Wills (1935)
• Ray Charles (1949)
• Sonny Terry & Brownie McGhee (1955)
• Howlin' Wolf (1957)
• Bill Monroe (1957)
• Carl Perkins (1958)
• Memphis Slim (1961)
• Big Joe Williams & Victoria Spivey (1962 – med Bob Dylan på munnspel)^[6]
• Doc Watson (1962)
• Grateful Dead (1967)
• Cream (Wheels of Fire (In the Studio) album – 1968)
• Cream (Goodbye album (konsertversjon) – 1969)
• Chet Atkins (1968)
• Jerry Reed (1969)
• Howlin' Wolf (1970) Howlin' Wolf London Sessions med Eric Clapton & Steve Winwood
• The Jelly Roll Kings
• Sam Chatmon (1974)
• John Lee Hooker (1974)
• Chris Smither (1984)
• The Seldom Scene
• Nitty Gritty Dirt Band (1989)
• Ronnie Earl (1990)
• Lonesome River Band (1991)
• Bob Dylan (Good as I Been to You - 1992)
• Jack Bruce (1993)
• Taj Mahal (1993)
• BBM (Bruce-Baker-Moore) (Around The Next Dream album - 1994)
• Greg Kihn (1994)
• Nomeansno (Mr. Right & Mr. Wrong - 1994)
• Hans Theessink
• Blackfoot - After The Reign Album (1994)
• Othar Turner
• North Mississippi Allstars
• Willie Nelson (2000)
• Van Morrison & Carl Perkins (Good Rockin' Tonight album - 2001)
• Bill Frisell (2002)
• Ellen McIlwaine (2002)
• Jack White (2003 – filmen "Cold Mountain")
• Harry Manx (2004)
• Richard Shindell (2007)
• B.B. King (2008)
• Matt Schofield (2010)