Skyttaren

Skyttaren (frå latin Sagittarius) er eit stjernebilete på den sørlege himmelhalvkula. Det er eit av dei 48 stjernebileta astronomen Klaudios Ptolemaios oppførte på 100-talet og er i dag eit av dei 88 moderne stjernebileta. Det ligg mellom Skorpionen og Slangeberaren i vest og Steinbukken i aust.

Skyttaren
Skyttaren
Latinsk namn	Sagittarius
Forkorting	Sgr
Genitivsform	Sagittarii
Symbologi	Frå grekarane
Rektasensjon	19 h
Deklinasjon	−25°
Areal	867 kvadratgrader nr. 15 av stjernebilda
Stjerner sterkare enn mag. 3	7
Sterkaste stjerne	Kaus Australis (ε Sgr) (1,9. mag.)
Meteorsvermar
Tilgrensande stjernebilde	Ørna Skjoldet Slangen Slangeberaren Skorpionen Den sørlege krona Teleskopet Indianaren (hjørne) Mikroskopet Steinbukken
Synleg mellom breiddegradane +55° og −90°

Kjende objekt

Stjerner

Stjernebiletet Skyttaren slik det er for det nakne auga.

α Sgr (Rukbat) er ikkje den mest lyssterke stjerna i stjernebiletet, trass i Alfa-nemninga, og har ein storleiksklasse på berre 3,96. I staden for er den mest lyssterke stjerna Epsilon Sagittarii (ε Sgr) (Kaus Australis), med storleiksklasse 1,85.^[1]

Sigma Sagittarii (σ Sgr) (Nunki) er den nest mest lyssterke stjerna i stjernebiletet med storleiksklasse 2,08. Nunki er ei B2V-stjerne som ligg kring 260 lysår unna.^[2]