Slieve Bloom (irsk Sliabh Bladhma) er ei fjellkjede i County Laois og Offaly i Republikken Irland. Ho stig opp frå den sentrale sletta på Irland til ei høgd på 526 meter over havet. Sjølv om dei ikkje er særleg høge, strekkjer fjella seg godt opp frå dei omkringliggande områda. Det høgaste fjellet er Arderin (526 m) sørvest i fjellkjeda og Baunreaghcong (511 m) ved enden av Capard-ryggen.

Kjappe fakta Land, Fylke ...

Slieve Bloom
fjell
Land	Irland
Fylke	Laois og Offaly
Fjellkjede	Wicklowfjella
Høgd	526 moh.
Primærfaktor	197 m
Koordinatar	53°06′N 7°34′W
Slieve Bloom 53.1°N 7.5666666666667°W / 53.1; -7.5666666666667
Wikimedia Commons: Slieve Bloom Mountains

Lukk

Landsbyen Cadamstown ved elva Silver er heimstaden til Silver River Geological Reserve.

Fjella ligg sentralt på Irland, sør for Bog of Allen, Banagher og Tullamore i County Offaly, aust for elva Shannon og vest for Portlaoise, hovudbyen i County Laois. Vestenden av Slieve Bloom-fjella ligg nord i County Tipperary, nær Roscrea.