Soundtracks av Can

Soundtracks er eit filmmusikkalbum av krautrock-gruppa Can. Det vart først gjeve ut i 1970 og består av musikk skriven for forskjellige filmar. Albumet er det siste med vokalisten Malcolm Mooney, som syng på to songar, før han vart erstatta av Damo Suzuki. Stilmessig er albumet ein overgang frå psykedeliainspirerte jam'ar frå dei første innspelingane deira (som på Monster Movie og Delay 1968) til meir mediterande, elektroniske og eksperimentelle stykke på studioalbuma som følgde (som Tago Mago og Ege Bamyasi).

Soundtracks Filmmusikkalbum av Can
Språk	engelsk
Utgjeve	September 1970
Innspelt	November 1969 – august 1970 ved Schloss Nörvenich i Tyskland
Sjanger	Krautrock Eksperimentell rock Progressiv rock Psykedelisk rock
Lengd	35:09
Selskap	Liberty, United Artists
Produsent	Can
Can-kronologi
Monster Movie (1969)	Soundtracks	Tago Mago (1971)

Meldingar
Karakter
Kjelde	Karakter
Allmusic	[1]
Pitchfork Media	(7.6/10.0) [2]
Stylus Magazine	(B) [3]

På baksida av plateomslaget står det skrive: «CAN SOUNDTRACKS er det andre albumet til THE CAN men ikkje album nummer to [...] Album nummer to [Tago Mago] vil kome i byrjinga av 1971.»^[4]

«She Brings the Rain» vart opphavleg nytta i filmen Bottom – Ein großer, graublauer Vogel frå 1969 av Thomas Schamoni (bror til regissørane Ulrich Schamoni og Peter Schamoni), og vart seinare nytta i Wim Wenders-filmen Lisbon Story frå 1994, Oskar Roehler-filmen Die Unberührbare i 2004 og Tran Anh Hung-filmen Norwegian Wood frå 2010.

«Don't Turn the Light On, Leave Me Alone» var den første songen som Damo Suzuki spelte inn med Can.^[5]

I mars 2005 plasserte magasinet Q songen «Mother Sky» på 48. plass på lista deira over dei 100 beste gitarsongane gjennom tidene.^[6]

Innhald

Side 1

Nr.	Tittel	Lengd
1.	«Deadlock» (frå filmen Deadlock, 1970, reg. Roland Klick)	3:27
2.	«Tango Whiskyman» (frå filmen Deadlock, 1970, reg. Roland Klick)	4:04
3.	«Deadlock (Titelmusik)» (frå filmen Deadlock, 1970, reg. Roland Klick)	1:40
4.	«Don't Turn the Light On, Leave Me Alone» (frå filmen Cream)	3:42
5.	«Soul Desert» (frå filmen Mädchen... nur mit Gewalt, 1970, reg. Roger Fritz. Cited on album sleeve as «Mädchen mit Gewalt")	3:48

Side 2

Nr.	Tittel	Lengd
1.	«Mother Sky» (frå filmen Deep End, 1971, reg. Jerzy Skolimowski)	14:31
2.	«She Brings the Rain» (frå filmen Bottom – Ein großer graublauer Vogel, 1969, reg. Thomas Schamoni)	4:04

Medverkande

• Holger Czukay – bass, kontrabass
• Michael Karoli – gitar, fiolin
• Jaki Liebezeit – trommer, perkusjon, fløyte
• Malcolm Mooney – vokal på «Soul Desert» and «She Brings the Rain»
• Irmin Schmidt – klaverinstrument, synthesizer
• Damo Suzuki – vokal på «Deadlock», «Tango Whiskyman», «Don't Turn the Light On, Leave Me Alone» og «Mother Sky»; perkusjon