Stephan Sinding

Stephan Abel Sinding (4. august 1846–23. januar 1922) var ein norsk-dansk bilethoggar fødd i Trondheim. Han var bror av toneskaparen Christian Sinding og kunstmålaren Otto Sinding.

Stephan Sinding
Statsborgarskap	Noreg, Kongeriket Danmark
Fødd	4. august 1846 Trondheim
Død	23. januar 1922 (75 år) Paris, Boulevard du Montparnasse
Yrke	bilethoggar, professor
Medlem av	Société des Artistes Français
Far	Matthias Wilhelm Sinding
Ektefelle	Anna Elga Augusta Betzonich
Stephan Sinding på Commons

Liv og gjerning

Ole Bull-statuen (1901) i Bergen

Sinding studerte jus og filosofi ved universitetet i Christiania frå 1865. Interessa for kunst førte til at han 1870-72 gjekk på Den kongelige Tegneskole i same byen. I 1872 reiste han til Berlin, der han var elev hos seinklassisisten Albert Wolff fram til vinteren 1874. Derifrå la han turen innom Paris og London.

Gjennombrotet kom i 1882 med Barbarkvinde bærer sin dræbte søn bort fra slaget, eit verk den danske, rike bryggerieigaren Carl Jacobsen kjøpte. Sidan kom Jacobsen til å kjøpe opp ein stor del av Sindings seinare arbeid.

Åra 1880-83 budde Sinding i Roma. Han busette seg så i København og vart dansk statsborgar i 1890. Til opninga av det norske Nationaltheatret i 1899 laga han statuane av Bjørnstjerne Bjørnson og Henrik Ibsen. Hovudverket er likevel Moder Jord frå 1900, det står utstilt ved Ny Carlsberg Glyptotek i København.

Frå 1910 budde Sinding i Paris. Dei siste åra av livet modellerte han falne frå den første verdskrigen, som hadde prega han sterk.^[1] Han gav ut sjølvbiografien En billedhuggers liv i 1921, året før han døydde. Han døydde i Paris vart gravlagd på Père Lachaise-kyrkjegarden.

Utvalde verk

• Vølund smed, 1873
• Hylas, ca. 1880
• Slaven, 1878
• Frise, 1891
• Enken, 1892
• Henrik Ibsen, 1899
• Bjørnstjerne Bjørnson, 1899
• Moder Jord, 1900
• Ole Bull, 1901
• Valkyrjen, 1908
• Angelus, 1913
• L'Offrande, 1918

Galleri

• 
  Un homme et une femme, ca. 1891
• 
  Henrik Ibsen (1899)
  Nationaltheatret i Oslo
• 
  Bjørnstjerne Bjørnson (1899)
  Nationaltheatret i Oslo
• 
  Electra ved Kongens Nytorv i København
• 
  Valkyrjen (1908), Churchillparken i København
• 
  Verwitwet (ca. 1910)
  Ny Carlsberg Glyptotek
• 
  Adoration I (ca. 1910)
  Ny Carlsberg Glyptotek
• 
  Barbarenmutter (ca. 1910)
• 
  Fangen Moder
  Ny Carlsberg Glyptotek

Bibliografi

• 1921 – En billedhuggers liv (Kristiania: Gyldendal) I fulltekst ved nb.no

Kjelder

• Stephan Sinding på Kunstindeks Danmark / Weilbachs Kunstnerleksikon
• «Stephan Sinding» i Norsk biografisk leksikon

---

• Denne artikkelen bygger på «Stephan Sinding» frå Wikipedia på engelsk, den 26. mars 2015.