Styx av Styx

Styx er det sjølvoppkalla debutalbumet til det amerikanske rockebandet Styx. Albumet kom ut i 1972.

Styx Studioalbum av Styx
Språk	engelsk
Utgjeve	August 1972
Innspelt	1971
Studio	Paragon Recording Studios i Chicago
Sjanger	Progressiv rock hardrock
Lengd	32:36
Selskap	Wooden Nickel
Produsent	John Ryan, Bill Traut
Styx-kronologi
	Styx	Styx II (1973)
Singlar frå Styx
«Best Thing» Utgjeve: 1972

Meldingar
Karakter
Kjelde	Karakter
AllMusic	[1]
The Rolling Stone Album Guide	[2]

Bakgrunn

Gruppa starta som eit coverband som spelte på bryllaup og bursdagsfestar. Dei kalla seg sjølv «The Tradewinds» i 1961, då bandet bestod av dei 12 år gamle Chuck og John Panozzo, som spelte høvesvis bassgitar og trommer, og naboen, den 14 år gamle Dennis DeYoung på klaverinstrument, trekkspel og vokal. Dei kalla seg seinare «TW4», etter dei fekk med seg college-venen John Curulewski i 1968, og hardrockaren James «J.Y.» Young i 1970, som gitaristar, låtskrivarar og songarar i bandet.

Albumet synte bandet som eit progressivt kunstrock- og 60-tals garasjerockband. Albumet inneheld den 13 minuttar lange «Movement for the Common Man», og J.Y.-songen «Children of the Land». Det inneheld òg ein perkusjonssolo av John Panozzo, gateintervju frå Chicago i «Street Collage», og ei symfonisk rockeutgåve av «Fanfare for the Common Man» og det progressive visestykket «Mother Nature's Matinee» sungen av DeYoung og skrive av Young og DeYoung.

Den livlege poprocksongen «Best Thing» var skriven av DeYoung og Young og kom ut på singel seint i 1972. Denne nådde 82. plassen på den amerikanske singellista.

Resten av songane på albumet bestod av coverversjonar som plateselskapet føreslo at dei skulle spele. Bandmedlemmane sa dei aldri hadde høyrt desse før.

Albumet kom ut på ny i 1980 med tittelen Styx I med nytt plateomslag. Seint i 2012 kom albumet ut att på CD og digital nedlasting, i lag med Styx II (1973), The Serpent Is Rising (1973) og Man of Miracles (1974).

Innhald

Side ein

Nr.	Tittel	Låtskrivar(ar)	Solovokal	Lengd
1.	«Movement for the Common Man» a. «Children of the Land» b. «Street Collage» c. «Fanfare for the Common Man» d. «Mother Nature's Matinee»	James Young (a), John Ryan (b), Aaron Copland (c), Dennis DeYoung (d med Young)	a. Young, b. talte ord, c. Young, d. DeYoung	13:11
2.	«Right Away»	Paul Frank	Young	3:40

Side to

Nr.	Tittel	Låtskrivar(ar)	Solovokal	Lengd
3.	«What Has Come Between Us»	Mark Gaddis	DeYoung	4:53
4.	«Best Thing»	Young, DeYoung	DeYoung, Young	3:13
5.	«Quick Is the Beat of My Heart»	Lewis Mark	Young	3:49
6.	«After You Leave Me»	George S. Clinton	Young	4:00

Medverkande

Styx

• Dennis DeYoung – vokal, klaverinstrument
• James «JY» Young – vokal, elektrisk gitar
• John Curulewski – vokal, elektrisk og akustisk gitar
• Chuck Panozzo – bassgitar
• John Panozzo – trommer, perkusjon

Produksjon

• Produsentar - John Ryan, Bill Traut
• Lydteknikar - Marty Feldman, Barry Mraz
• Miksing - Barry Mraz, John Ryan

Salslister

Singlar - Billboard (USA)

År	Singel	Liste	Plassering
1972	«Best Thing»	Pop Singles	82