Sussudio

«Sussudio» er ein song av Phil Collins, gjeve ut som singel i februar 1985. Songen var òg opningssongen på det tredje albumet hans, No Jacket Required, det kom ut i januar same året. Songen vart mykje spelt på MTV i mai og 6. juli nådde både singelen og albumet toppen av salslistene i USA,^[3] Musikkvideoen vart filma i ein pub eigd av Richard Branson der Collins spelar songen til ein gjeng som først keiar seg, men så etter kvart byrja å danse.

Sussudio av Phil Collins frå albumet No Jacket Required
B-side	«The Man with the Horn» «I Like the Way» (USA)
Språk	engelsk
Utgjeve	14. januar 1985
Sjanger	Funk[1]
Lengd	4:23 (album) 6:36 (forlenga versjon)
Selskap	Virgin[2]
Komponist	Phil Collins
Tekstforfattar	Phil Collins
Låtskrivar(ar)	Phil Collins
Produsent	Phil Collins Hugh Padgham
Phil Collins-kronologi
«One More Night» (1984)	Sussudio	«Don't Lose My Number» (1985)

Soge

Det meste av teksten vart improvisert fram av Collins til rytmen av ein trommemaskin han hadde programmert. «Suss-sussudio» var ord som høvde bra med rytmen. Etter å ha prøvd å finne alternative ord som passa med rytmen, valde Collins å halde på «Sussudio» som òg vart namnet på songen.^[4]

Programmeringa av synthesizeren, rytmen og synthbassen vart gjort av David Frank frå The System og blåsearrangementet vart seinare basert på basslinja.

Songen vart kraftig kritisert for at han høyrdest for mykje ut som Prince-songen «1999», noko Collins nekta for.^[5]

«Sussudio» var den første singelen frå albumet som vart gjeve ut i Storbritannia, og den andre som vart gjeve ut i USA. I Storbritannia nådde songen 12. plass, medan han i USA gjekk heilt til topps på salslista.^[3][6] Ein remix av songen finst på 12"ers.

Innhald

7": Virgin / VS736 (UK)

1. "Sussudio"
2. "The Man with the Horn"

7": Atlantic / 7-89560 (US)

1. "Sussudio"
2. "I Like the Way"

12": Virgin / VS736-12 (UK)

1. "Sussudio» (Extended Remix)
2. "Sussudio"
3. "The Man with the Horn"

CD: WEA International / WPCR 2065 (Japan)

1. "Sussudio"
2. "Sussudio» (Extended Mix)

Salslister

Liste (1985)	Plassering
Finland (Suomen virallinen lista)[7]	13
Tyskland (Media Control Charts)	17
Nederland	12
Polen[8]	23
Storbritannia (The Official Charts Company)[9]	12
USA Billboard Hot 100[6]	1
USA Billboard Hot Dance Club Play[6]	4
USA Billboard Hot R&B/Hip-Hop Songs[6]	7
USA Billboard Mainstream Rock Tracks[6]	10
USA Billboard Hot Adult Contemporary Tracks[6]	30

Medverkande

• Phil Collins – vokal, Roland TR-909
• David Frank – Roland Alpha Juno synthesizer, Minimoog bass, Oberheim DMX
• Daryl Stuermer – gitarar
• The Phenix Horns
  • Don Myrick – saksofon
  • Louis Satterfield – trombone
  • Michael Harris – trompet
  • Rahmlee Michael Davis – trompet
• Arrangert av Tom Tom 84