Tebnine

Tebnine (arabisk تبنين, òg skrive Tibnin) er ein landsby i Libanon som ligg i hjartet av Jabal Amel, i Bint Jbeil distrikt i Nabatieh guvernement, kring 25 km aust for Tyr.

Tebnine
تبنين
by
Utsyn over landsbyen frå krossfararborga i 1969
Land	Libanon
guvernement	Nabatieh guvernement
Distrikt	Bint Jbeil distrikt
Høgd	700−800 moh.
Koordinatar	33°11′35.96″N 35°24′38.79″E
Folketal	5 000
Retningsnummer	+961
Tebnine 33.193322222222°N 35.410775°E / 33.193322222222; 35.410775
Kart som viser Tebnine. Kart som viser Tebnine.
Wikimedia Commons: Tebnine

Innbyggjarane er hovudsakleg sjiamuslimar og katolikkar. Innbyggjartalet er estimert til kring 5000.

Historie

Landsbyen er nemnd som Tibenis av den franske mellomalderhistorikaren Guillaume De Tyr, noko som indikerer at staden fanst før krosstoga fann stad.^[1] Historikaren Chauvet hevdar at historia til landsbyen går attende til kanaanittisk tid, men siterer ingen kjelder for dette.^[1] Landsbyen var eit senter for krossfararane som bygde ei borg på staden.

Under krigen mellom Israel og Libanon i juli 2006 vart mange heimar i Tebnine øydelagd.

Krossfararborga i Tebnine.

Hugo av St. Omer (òg kalla Hugo av Falkenberg), vart andreprins av Galilea og guvernør i Tiberias og organiserte mange åtak mot Tyr, men styrkane hans vart alltid trøytte av den lange avstanden mellom basen hans i Tiberias og måla hans på kysten. Han fekk bygd ei borg i 1106 for å søke tilfukt mot forfølgjaren sine.^[2] Borga fekk namnet Toron, som på gammal fransk tyder isolert eller åstopp. Hugo bygde òg borga som ligg på ein bratt åstopp aust for Tibnine i eit område kalla Al Hosn. Borga vart sidan erobra av Saladin i 1187 og teken attende at av frankarane i 1229. Mamelukkane under sultan Al-Zahir Baibars av Egypt tok til slutt borga i 1266 etter Safed falt og ho vart verande på arabiske hender til osmanarane gjorde det til eit fengsel.^[3]