Thanks for the Memory (Wham Bam Thank You Mam)

«Thanks for the Memory (Wham Bam Thank You Mam)» er ein song av det britiske rockebandet Slade, gjeven ut i 1975 som ein singel utan album.^[2] Han var skriven av solovokalisten Noddy Holder og bassisten Jim Lea, og produsert av Chas Chandler. Songen nådde sjuandeplassen på den britiske singellista og låg inne på lista i sju veker.^[3]

Thanks for the Memory (Wham Bam Thank You Mam) Singel av Slade
B-side	Raining in My Champagne
Utgjeve	9. mai 1975[1]
Sjanger	Rock
Lengd	4:33
Selskap	Polydor
Låtskrivar(ar)	Noddy Holder, Jim Lea
Produsent	Chas Chandler
Slade-kronologi
«How Does It Feel» (1975)	Thanks for the Memory (Wham Bam Thank You Mam)	«In for a Penny» (1975)

Singelen var den første nye singelen deira etter filmen Slade in Flame. I dei to første vekene etter singelen kom ut, selde han 200 000 eksemplar.^[4][5]

B-sida til singelen var «Raining in My Champagne», som var eksklusiv til singelen og kom seinare ut på samleplata B-Sides i 2007. Sjølv om songen i utgangspunktet var ein singel utan album andre stader, kom han ut på den amerikanske Warner Bros. Records-utgåva av albumet Slade in Flame i 1975.

Det vart filma ein musikkvideo for singelen, som var regissert av anten Gavrik Lasey eller Richard Loncraine. Videoen syner bandet som framfører songen medan Holder går kledd i ei raud- og gulprikka jakke eit stort kipper-slips, medan gitaristen Dave Hill går kledd i svart cowboy-kostyme.^[6][7] I Storbritannia framførte bandet songen på musikkshowet Top of the Pops og barneshowet Shang-a-Lang.

Innhald

7"-singel

1. «Thanks for the Memory (Wham Bam Thank You Mam)» - 4:30
2. «Raining In My Champagne» - 4:12

Salslister

Liste (1975)	Plassering
Den austerrikske singellista[8]	12
Belgia (Ultratop 40 Vallonia)[9]	36
Den tyske singellista[10]	13
Irish Singles Chart[11]	3
Nederland (Nederlandsk Topp 40)[12]	24
Nederland (Mega Single Top 100)[13]	16
Den norske VG-lista[14]	5
UK Singles Chart[3]	7

Medverkande

Slade

• Noddy Holder - solovokal, gitar
• Dave Hill - sologitar, korvokal
• Jim Lea - keyboard, bass, korvokal
• Don Powell - trommer

Andre medverkande

• Chas Chandler - produsent