That Night av Carousel

«That Night» ('den kvelden' eller 'den natta') er ein engelskspråkleg song frå 2019 med den latviske gruppa Carousel. Songen er skriven av Aleksandrs Volks, Mārcis Vasiļevskis og Sabīne Žuga og vart utgjeven kommersielt 22. mars 2019. Songen vart likevel kjend i Latvia allereie 16. februar 2019, då han vann songtevlinga Supernova. «That Night» var det latviske bidraget til Eurovision Song Contest 2019 i Tel Aviv i Israel.^[1]

«That Night» Song av Carousel
Land	Latvia
Språk	Engelsk
Utgjeve	22. mars 2019
Sjanger	Indiefolk, jazz
Lengd	03:01
Selskap	Universal Music
Låtskrivar(ar)	Aleksandrs Volks, Mārcis Vasiļevskis og Sabīne Žuga

Eurovision Song Contest

I januar 2019 vart Latvia trekt ut til å delta i den andre semifinalen av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Latvia hadde startnummer 5.^[2] Songen enda på 15. plass i semifinalen og var dimed ikkje kvalifisert til finalen laurdag 18. mai.^[3]

Listeplasseringar

Liste (2019)	Høgaste plassering
Litauen (AGATA)[4]	62