Thela Hun Ginjeet

Thela Hun Ginjeet er ein song av bandet King Crimson som kom ut i 1981 på albumet Discipline. Songen vart òg gjeven ut som singel med «Elephant Talk» som B-side. Tittelen på songen er eit anagram av «heat in the jungle», som er ein referanse til kriminalitet i byen. Songen er skriven av Adrian Belew, Bill Bruford, Robert Fripp og Tony Levin.

Thela Hun Ginjeet Singel av King Crimson frå albumet Discipline
B-side	Elephant Talk
Utgjeve	September 1981
Innspelt	1981
Sjanger	progressiv rock
Lengd	6:26
Selskap	Warner Bros.
Låtskrivar(ar)	Adrian Belew, Bill Bruford, Robert Fripp, Tony Levin
Produsent	King Crimson, Rhett Davies
King Crimson-kronologi
«Elephant Talk» (1981)	Thela Hun Ginjeet	«Heartbeat» (1982)

Medan dei fleste av instrumenta spelar i 4/4-takt, spelar Robert Fripp på elektrisk gitar i 7/8-takt i delar av songen, og skapar slik ein uvanleg effekt. I midten av songen kan ein høyre eit stemmeopptak. Dette er Adrian Belew som snakkar om ei oppleving då han vart plaga av rastafariar i London og politiet, medan han prøvde å få opptak til songen ute i gata.^[1]

Det vart òg gjevne ut ein 12"-versjon av singelen med ein «dance mix» av songen, og songen «Indispline» i tillegg til «Elephant Talk».

Andre versjonar

• Les Claypool-bandet Les Claypool's Fearless Flying Frog Brigade spelte songen på albumet Live Frogs Set 1 og fleire gonger på konsertar.

Medverkande

• Robert Fripp - gitar
• Adrian Belew - gitar, vokal
• Tony Levin - bassgitar, Chapman stick, vokal
• Bill Bruford - trommer