Universitetet i Oslo

Universitetet i Oslo (UiO, latin Universitas Osloensis) vart grunnlagt i 1811 som Det Kgl. Frederiks Universitet (latin Universitas Regia Fredericiana). Universitetet vart kalla opp etter kong Fredrik VI av Danmark-Noreg. Eit viktig førebilete var Humboldt-universitetet i Berlin.

Dei fyrste universitetsbygningane på Karl Johans gate i Oslo sentrum. No hyser desse bygningane berre Det juridiske fakultetet.

Eilert Sundts hus, ein av fleire bygningar som Universitetet i Oslo har på Blindern i Oslo.

Universitetet i Oslo
Latinsk namn	Universitas Osloensis
Grunnlagt	2. september 1811
Type	Offentleg universitet
Rektor	Svein Stølen
Stad	Oslo
Studentar	26 650 (2021)
Tilsette	7 029 (2021)
Medlemskap	Global Biodiversity Information Facility, arXiv, ORCID
Org.nummer	971035854
Nettstad	https://www.uio.no (norsk, engelsk)
Universitetet i Oslo 59.939936111111°N 10.722063888889°E / 59.939936111111; 10.722063888889

Universitetet, som endra offisielt namn i 1939, er det eldste universitetet i Noreg. Lenge vart institusjonen berre kalla «Universitetet», sidan det var det einaste universitetet i landet. Universitetet i Bergen opna som Noreg sitt andre universitet i 1946.

Universitetet i Oslo held til på Blindern i Oslo, der det frå 1930-talet og frametter har vorte bygd eit nytt universitetssentrum, «campus» i dagens terminologi. No er det berre Det juridiske fakultet som held til i dei opphavlege universitetsbygningane ved Karl Johans gate i sentrum av Oslo. Universitetet har kring 32 000 studentar.

Fakultet

• Det humanistiske fakultet (til 2005: Det historisk-filosofiske fakultet) (HF)
• Det juridiske fakultet (JF)
• Det matematisk-naturvitenskapelige fakultet (Matnat)
• Det medisinske fakultet (MED)
• Det odontologiske fakultet
• Det samfunnsvitenskapelige fakultet (SV)
• Det teologiske fakultet (TF)
• Det utdanningsvitenskapelige fakultet (UV)

Nobelprisvinnarar

Fire forskarar ved Universitetet i Oslo har motteke Nobelprisen:

• Ragnar Frisch (1895–1973) fekk i 1969 Nobels minnepris i økonomi.
• Odd Hassel (1897–1981) fekk i 1969 nobelprisen i kjemi.
• Ivar Giæver (fødd 1929) fekk i 1973 nobelprisen i fysikk.
• Trygve Haavelmo (1911–1999) fekk i 1989 Nobels minnepris i økonomi.

Rektorar

Tidlegare rektorar er mellom anna

• Ole Petter Ottersen^[1]