Ulstein Group

Ulstein Group ASA er eit norskeigd og familieeigd industrikonsern med aktivitetar innan designutvikling og bygging av skip, kraft- og kontrollsystem og maritime system og løysingar. Hovudkontoret er i Ulsteinvik i Møre og Romsdal fylke, eit viktig område for den norske maritime klynga.

Ulstein Group
Org.form	Allmennaksjeselskap
Org.nr.	980489876
Bransje	Skipsbygging
Skipa	1917
Hovudkontor	Ulstein
Land	Noreg
Nettstad	https://ulstein.com (norsk)

Ulstein Verft sett frå lufta. Ulstein Verft er eitt av selskapa i Ulstein Group.

Ulstein Group sitt hovudkvarter på Osneset i Ulsteinvik.

Gunvor Ulstein er konsernsjef i Ulstein Group ASA^[1] og styreleiar er Tore Ulstein. Ulstein Verft er det største selskapet.

Historie

Dagens Ulstein Group har opphav i Ulstein Mekaniske Verksted,^[2] som Martin Ulstein starta i 1917.^[3]

Dotterselskap

• SHIPBUILDING
  • Ulstein Verft AS
  • Ulstein Elektro Installasjon AS

• DESIGN & SOLUTIONS
  • Ulstein Design & Solutions AS
  • Ulstein Design & Solutions B.V.
  • Ulstein Power & Control AS
  • Ulstein Poland LTD SP. Z.O.O
  • Ulstein Marine Systems (Shanghai) CO Ltd.
  • Ulstein Marine Equipment (Ningbo) CO Ltd
  • Ulstein Electrical Technology (Ningbo) CO Ltd

• SHIPPING
  • Ulstein Shipping
  • Blue Ship Invest

• ANDRE
  • Blue Ctrl AS

Ulstein Verft

Ulstein Verft spesialiserer seg på å bygge avanserte skip, og har dei seinare åra bygd kabelleggarar, ekspedisjonscruiseskip, serviceskip til havvindindustrien, yacht og Ropax-hybridferje. Verftet har også bygd ei rekke skip for offshore olje og gass. To av dei seinaste nybygga frå verftet er serviceskipa «Olympic Boreas»^[4] og «Olympic Notos» (2024).^[5] Dette er fartøy av typen Construction Service Operation Vessel (CSOV), og dei første skipa levert med baugløysinga TWIN X-STERN®.^[6] Hovudsatsinga er på nybygg og større ombyggingar, men verftet tek også på seg større reparasjonar, oppgraderingar, klassing, sliping, maling, kran- og løftearbeid. Ei avdeling i verftet tilbyr også transport- og kranløfttenester langs kysten.

X-BOW, X-STERN og TWIN X-STERN

Mange, men ikkje alle, skipa som vert bygde er baserte på Ulstein sine eigne skipsdesign, Ulstein-design, der skroginnovasjonane X-BOW, X-STERN^[7] og TWIN X-STERN^[8] ofte er innarbeidde. X-BOW blei tildelt Årets Ingeniørbragd av Teknisk Ukeblad i 2005.^[9] 10 år etter markerte konsernet meir enn 100 selde X-BOW-design.^[10]