Vahselbreen

Vahselbreen er ein isbre på nordvestsida av Heardøya i det sørlege Indiahavet. Han flyt vest og ut i South West Bay, mellom Erratic Point og Cape Gazert.^[6][7] Like nord for Vahselbreen ligg Schmidtbreen, som endar mellom Mount Drygalski og North West Cornice. Sør for Vahselbreen ligg Allisonbreen, som endar sør for Cape Gazert, som skil Allisonbreen frå Vahselbreen.

Vahselbreen
isbre
Land	Australia
Stad	Heardøya
- koordinatar	53°04′S 73°23′E
Munning	South West Bay, mellom Erratic Point og Cape Gazert
Tjukkleik	kring 55 m
status	I tilbaketrekking[1][2][3][4][5]
Vahselbreen 53.0667°S 73.3833°E / -53.0667; 73.3833

Vahselbreen vart kartlagt i 1902 av Den tyske antarktisekspedisjonen under Erich von Drygalski.^[7] Menn vart sett i land nær Atlas Cove den 3. februar 1902. Drygalski kalla breen opp etter Richard Vahsel, ein offiser blant mannskapet som gjekk i land frå Gauss-ekspedisjonen. Vahsel vart seinare kaptein på Wilhelm Filchner sin «Deutschland». Han døydde i august 1912 medan «Deutschland» dreiv i isen.^[6]