We Are One av Wild Youth

«We Are One» (norsk omsetjing ‘vi er ein/eit’) er ein popsong frå 2023 med det irske bandet Wild Youth. Songen var det irske bidraget i Eurovision Song Contest 2023 i Liverpool i Storbritannia.

«We Are One» Song av Wild Youth
Land	Irland
Språk	Engelsk
Utgjeve	26. januar 2022
Sjanger	Pop, poprock
Lengd	03:03
Selskap	Imperfectly Perfect Records
Komponist	Jörgen Elofsson
Låtskrivar(ar)	Conor O'Donohoe, Ed Porter, Jörgen Elofsson

Om songen

Bandmedlemmane Conor O'Donohoe og Ed Porter skreiv «We Are One» i Sverige saman med den svenske Grammy-nominerte låtskrivaren Jörgen Elofsson.^[1]

Teksta handlar om tema som livet, samhald og fridom. Frontfigur O'Donohoe seier låten er inspirert av Eurovision Song Contest, blant anna av korleis tevlinga sameiner menneske.^[2]

Wild Youth sende «We Are One» til den irske uttakinga til Eurovision Song Contest og blei plukka ut til å delta i den irske finalen fredag 3. februar 2023. Der vant dei til slutt tevlinga og fekk representere Irland i Eurovision Song Contest 2023 i Liverpool. Låten deltok i den fyrste semifinalen tysdag 9. mai 2023. Der blei han nummer 12 av 15 bidrag og kvalifiserte seg ikkje til finalen laurdag 13. mai.^[3][4]

Listeplasseringar

Liste (2023)	Høgaste plassering
Irland (IRMA)[5]	93
Irland Airplay[6]	7