When I’m Sixty-Four

«When I’m Sixty-Four» er ein kjærleikssong av The Beatles, skriven av Paul McCartney^[4][5] (men tilskriven Lennon/McCartney). Han vart gjeve ut i 1967 på albumet deira Sgt. Pepper’s Lonely Hearts Club Band.

When I'm Sixty-Four Song av The Beatles frå albumet Sgt. Pepper's Lonely Hearts Club Band
Utgjeve	26. mai 1967[1]
Innspelt	6–21. desember 1966, EMI Studios, London
Sjanger	pop[2] varieté[3]
Lengd	2:37
Selskap	Parlophone
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon–McCartney
Produsent	George Martin

Songen vert sungen av ein ung mann til kjæraste sin og omhandlar planane hans om å eldast i lag med ho. Sjølv om songen omhandlar det å verte gamal, var det ein av dei første songane McCartney skreiv, då han var seksten.^[4] The Beatles nytta han i dei tidlege dagane som ein song dei spelte om forsterkarane deira braut saman eller straumen for.^[6][7] Både produsent George Martin og forfattar Mark Lewisohn spekulerer i om McCartney har tenkt på songen under innspelinga av Sgt. Pepper fordi faren hans vart 64 tidlegare i 1966.^[6][7]

Songen vart nesten gjeve ut på singel som B-side til anten «Strawberry Fields Forever» eller «Penny Lane». I staden valde Martin å gje ut ei dobbel A-side. Singelen nådde ikkje førsteplassen i Storbritannia, som den første Beatles-singelen sidan 1963.^[8]

Ein klarinettrio er langt framme i songen, noko som er uvanleg i dei fleste musikksjangrar, men særleg i rock and roll. Instrumenteringa vart gjort av Martin etter ønske frå McCartney om å få inn ei kjensle av gamaldags musikk ved å nytte klarinettar «på ein klassisk måte»^[7]

Songen vart spelt inn 6. desember 1966, under ein av dei første innspelingsdagane til det kommande Sgt. Pepper’s Lonely Hearts Club Band. Klarinettane vart spelt inn 21. desember.^[9]

Medverkande

• Paul McCartney – solo- og korvokal, bassgitar, piano
• John Lennon – korvokal, sologitar
• George Harrison – korvokal, gitar
• Ringo Starr – trommer, røyrbjeller
• Robert Burns, Henry MacKenzie, Frank Reidy – to klarinettar, bassklarinett^[10]

Personell per MacDonald utanom der anna er nemnt^[11]

Andre versjonar

Andre artistar har spelt inn sine eigne utgåver av songen, mellom anna John Denver og Keith Moon.

Ivar Medaas gav ut ein nynorsk versjon kalla "Når eg er 67" i 1968.^[12] med tekst av Johannes Gjerdåker. Den nynorske teksten er i all hovudsak ei ordrett omsetjing av originalteksten til Paul McCartney, bortsett frå at alderen er auka frå 64 til 67.

Bakgrunnsstoff

• Tekst Arkivert 2009-01-29 ved Wayback Machine.
• BBC-serie med same namn