Penny Lane

}} «Penny Lane» er ein song av det engelske rockebandet The Beatles. Songen vart skrive av Paul McCartney,^[6] men tilskriven Lennon/McCartney. Songen vart spelt inn under innspelinga av albumet Sgt. Pepper, men vart ikkje ein del av dette albumet. I staden vart han gjeve ut på singel i februar 1967 som ei dobbel A-side «Strawberry Fields Forever». Produsenten George Martin har uttrykt at desse to songane i lag utgjorde den beste singelen som bandet nokon gong gav ut.

Penny Lane Singel av The Beatles frå albumet 'Magical Mystery Tour'
A-side	«Strawberry Fields Forever» (dobbel A-side)
Språk	engelsk
Utgjeve	13. februar 1967
Innspelt	29. desember 1966 til 17. januar 1967
Studio	EMI Studios, London
Sjanger	Progressiv pop[1][2] barokk pop[3] psykedelisk pop[4] psykedelisk rock[5]
Lengd	3:03
Selskap	Parlophone (UK) Capitol (US)
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon–McCartney
Produsent	George Martin
The Beatles-kronologi
«Yellow Submarine»/«Eleanor Rigby» (1966)	Penny Lane	«All You Need Is Love» (1967)

Begge songane vart seinare gjevne ut på albumet Magical Mystery Tour i november 1967. I heimlandet Storbritannia er singelen kjend for å ikkje ha nådd førsteplassen, men stoppa på plassen bak Engelbert Humperdinck sin «Please Release Me».^[7] Dette kom av at BBC talde dei to songane som to forskjellige singlar, så i røynda selde singelen nesten det dobbelte av det Humperdinck gjorde. I USA og i Noreg gjekk singelen til topps på listene. Songtittelen er namnet på ei gate i heimbyen til bandet, Liverpool. Området rundt gata vert òg ofte kalla Penny Lane.

McCartney og Lennon voks begge opp i dette området og dei møtte kvarandre ved Penny Lane då dei skulle ta bussen inn til byen. Gata er i dag ein turisattraksjon i byen, og gateskiltet vart så ofte stole at styresmaktene i byen til slutt valde å i staden måle gatenamnet på ein bygning. I 2007 var derimot skiltet tilbake på plass.

I 2010 sette musikkmagasinet Rolling Stone songen på 456. plass på lista deira over dei 500 største songane gjennom tidene.^[8]

Medverkande

I følgje Ian MacDonald:^[9]

The Beatles

• Paul McCartney – vokal, piano, bass, harmonium, tamburin, effektar
• John Lennon – vokal, piano, gitar, congatrommer, klapping
• George Harrison – korvokal, sologitar, klapping
• Ringo Starr – trommer, handbjølle

Andre musikarar

• George Martin – piano, orkesterarrangement
• Ray Swinfield, P. Goody, Manny Winters – fløyte, pikkolofløyte
• David Mason – pikkolotrompetsolo
• Leon Calvert, Freddy Clayton, Bert Courtley, Duncan Campbell – trompet, flygelhorn
• Dick Morgan, Mike Winfield – obos, engelsk horn
• Frank Clarke – kontrabass

I august 1987 vart pikkolotrompeten Mason brukte på «Penny Lane» og to andre Beatles-songar («All You Need Is Love» and «Magical Mystery Tour») seld på ein auksjon på Sotheby's for 10 846 amerikanske dollar.^[10]

Salslister og salstrofé

Vekeslister Liste (1967) Plassering Australske Go-Set National Top 40[11] 1 Austerrike (Ö3 austerriksk Topp 40)[12] 5 Belgia (Ultratop 50 Flandern)[13] 4 Canada Top Singles (RPM)[14] 1 Irland (IRMA)[15] 2 Nederland (Mega Single Top 100)[16] 1 UK Singles (Official Charts Company)[17] 2 US Billboard Hot 100[18] 1 US Cash Box Top 100[19] 1 Vest-Tyskland - Media Control-lista[20] 1

Årslister Liste (1967) Plassering Canada[21] 21 US Billboard[22] 55 US Cash Box[23] 45 Salstrofé Region Salstrofé Salstal USA (RIAA)[24] Gull 1 000 000^ *salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine