Young Blood av The Coasters

«Young Blood» er ein song skriven av Doc Pomus i lag med låtskrivarduoen Jerry Leiber og Mike Stoller. Songen vart ein hit for The Coasters i 1957.

Young Blood Singel av The Coasters
B-side	«Searchin'»
Språk	engelsk
Utgjeve	Mars 1957
Innspelt	15. februar 1957
Sjanger	Rhythm and blues
Lengd	2:15
Selskap	Atco 6087
Komponist	Jerry Leiber, Mike Stoller, Doc Pomus
Tekstforfattar	Jerry Leiber, Mike Stoller, Doc Pomus
Låtskrivar(ar)	Jerry Leiber og Mike Stoller, Doc Pomus
The Coasters-kronologi
«One Kiss Led to Another» (1956)	Young Blood	«Idol with the Golden Head» (1957)

The Coasters-versjonen

«Young Blood» vart opphavleg spelt inn av The Coasters^[1] og gjeven ut på singel med B-sida «Searchin'» i mars 1957 av Atco Records (#6087). Songen gjekk til topps på Billboard's R&B-lista og åttandeplassen på Billboard Hot 100.^[2]

The Coasters-verjonen er rangert på 421. plassen på lista til Rolling Stone over dei 500 beste songane gjennom tidene..^[3]

Songen var med i musikalen Smokey Joe's Cafe.

The Beatles-versjonen

Young Blood Song av The Beatles frå albumet Live at the BBC
Utgjeve	30. november 1994
Innspelt	1. juni 1963
Sjanger	Pop
Lengd	1:56
Selskap	Apple Records
Komponist	Jerry Leiber, Mike Stoller, Doc Pomus
Tekstforfattar	Jerry Leiber, Mike Stoller, Doc Pomus
Låtskrivar(ar)	Leiber/Stoller/Pomus
Produsent	Terry Henebery

The Beatles spelte «Young Blood» på konsertane sine på Cavern Club. Det var ein av tolv songar dei spelte inn på eit lydband i juli 1962, som vart kjøpt attende av Paul McCartney på ein auksjon på Sotheby's i 1985.^[4][5]

Ein versjon spelt inn for BBC den 11. juni 1963 kom ut på albumet Live at the BBC, som kom i 1994. George Harrison song solovokal på innspelinga.^[6][7]

Medverkande

• George Harrison – førstevokal, sologitar
• John Lennon – korvokal, rytmegitar
• Paul McCartney – korvokal, bassgitar
• Ringo Starr – trommer

Frå The Beatles Bible^[8]

Andre versjonar

Songen er blitt spelt av mange andre artistar

• Ein konsertversjon av Leon Russell på Concert for Bangla Desh i 1971, der han fekk med seg fleire kjende musikarar, som George Harrison, Eric Clapton og Ringo Starr.
• I 1976 gav Bad Company ut ein verjon som nådde topp 20 på singellista i USA.
• Ein versjon i 1983 av Beach Boys-gitaristen Carl Wilson var tittelsporet til Youngblood (det andre soloalbumet hans).
• Bruce Willis song ein versjon av songen på albumet The Return of Bruno (1987).
• The Grateful Dead spelte stundom songen på lydsjekkane sine.
• «Young Blood» vart framført av Flash Cadillac and the Continental Kids (som «Johnny Fish and the Fins») i sesong to av Happy Days.
• Songen var med på eit album av Jerry Lee Lewis frå 1995 med same namn.
• The Band spelte songen for eit hyllestalbum til Doc Pomus i 1995, Till The Night Is Gone - A Tribute To Doc Pomus. Songen kom seinare ut på albumet deira High on the Hog.