From Wikipedia, the free encyclopedia
Extinction Rebellion, abreujat en XR, es un movement social internacional que visa a suscitar pel biais d'accions directas de desobesissença civila e d'una resisténcia non violenta un cambiament radical afin de limitar lo rescalfament climatic e de minimizar lo risc d'extincion de l'umanitat e d'esfondrament ecologic[1].
Lo movement debuta al Reialme Unit en octobre de 2018 ambe la publicacion d'un apèl a l'accion signat per una centena d'universitaris[2] seguit d'un lançament oficial lo darrièr jorn del mes per mantun militants de Rising Up![3]. Pendent lo mes seguent, mantuna accions de desobesissença civila son recensadas a la capitala, Londres[4].
Dempuèi l'apèl d'Extinction Rebellion UK, de movements se son notadament formats als Estats Units, en Itàlia, en Alemanha, en Austràlia, en Nòva Zelanda, en França[5], al Quebèc[6], en Belgica[7], e en Soïssa[8]. Lo movement es d’ara enlà present dins al mens 54 país.
Citant l'inspiracion de movements populars tals qu'Occupy London, lo movement independentista de Gandhi, las sufragetas o lo movement afro-american dels drechs civics, Extinction Rebellion entend acampar un sosten mondial a l'entorn d'un sentiment d'urgéncia comun[4][9].
Lo movement es lançat oficialament en octobre e 2018, pauc après las primièras grandas caumas escolaras pel clima. En octobre e decembre de 2018, de scientifics britanics publican doas letras obèrtas dins The Guardian per confirmar l'urgéncia d'agir e per sosténer publicament Extinction Rebellion. Lo 20 de febrièr de 2019, 260 cercaires soïsses, francés e bèlgas publican a lor torn una lètra obèrta ont sostenon las caumas escolaras pel clima e escrivon :«comprenon un movement de desobesissença civila coma Extinction Rebellion, dont la radicalitat relèva del reflèx de subrevivéncia»[10].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.