Gabriel de Mussis

Gabriel de Mussis (v. 1280-1369) foguèc un notari actiu a Plasença durant lo segle XIV. Es mai que mai coneissut per sa descripcion dau sietge de Caffa per los Mongòls en 1346-1347. D'efiech, preservat a l'universitat de Wroclaw en Polonha, son texte depinta l'utilizacion de cadavres contaminats per la pesta per afeblir los defensors genovés. Aquò es lo prumier exemple de guerra biologica enregistrat dins un document e es tradicionalament considerat coma lo ponch de partença de l'epidemia de pesta negra en Euròpa e dins lo bacin mediterraneu^[1][2].

Prumiera pagina del raconte de de Mussis.

Pasmens, los istorians modernes an larjament nuançat aquela vision car l'epidemia èra ja ben difusaa en Orient Mejan en 1346. Lo sietge de Caffa accelerèt benlèu la propagacion, mas ne'n foguèc pas l'unica causa. De mai, de Mussis èra probablament pas un testimòni directe del sietge e las performáncias d'un trabuc permetián pas de tirar un còrs a una distància sufisenta per passar de fortificacions^[3]. Sa cronica es donc desenant vista coma una exageracion d'autres racontes.

Ligams internes

• Pesta negra.

Bibliografia

• (en) Hannah Barker, « Laying the Corpses to Rest: Grain, Embargoes, and Yersinia Pestis in the Black Sea, 1346–48 », Speculum, vol. 96, n° 1, genier de 2021, pp. 97-126.
• (en) Vincent J. Derbes, « De Mussis and the Great Plague of 1348 », JAMA, vol. 196, n° 1, 1966, pp. 59-62.