Karine Duc

Karine Duc, nascuda a Agen (Guiana) en 1985, es una agricultritz e una sindicalista occitana membre de la Coordinacion rurala, que n'es estada designada lo 24 de febrièr de 2023 co-presidenta ambe José Pérez pel departament d'Òut e Garona.^[1] ^[2]

Foguèt l'una dels menaires del movement dels agricultors de 2024 en avent en particular, en seguida de las accions de barratge de las rotas iniciadas en Occitània lo 18 de genièr per Jiròni Baile, organizat a partir del 22 de genièr lo blocatge de l'autorota Tolosa-Bordèu al nivèl d'Agen ; puèi menèt lo rambalh cap a la prefectura d'Agen l'aprèp-miègjorn del 24 de genièr^[3] ; mentre, d'unes sòcis de la Coordinacion rurala an tanben aqueste meteis jorn de lor pròpia iniciativa perturbat lo restaurant McDonald's^[4] ; enfin, entre lo 29 e lo 31 de genièr, Karine Duc participèt al cortègi d'agricultors en tractor organizatz per anar cap a París (França) dins l'idea d'ensajar de blocar las rotas de la ciutat, o al mens lo Mercat d'Interès Nacional (MIN) de Rungis.^[5] ; se lo cortègi de tractors es estat blocat per las fòrças de l'òrdre al nivèl de la comuna de Jargeau dins lo Loiret, Karine Duc capitèt ambe una punhada d'activistas d'anar fins a París e quitament de dintrar dins lo MIN de Rungis, ont foguèron aquí còp-sec interpelats per las fòrças de l'òrdre e botats en garda-a-vista.^[6]

Lo 11 de julhet de 2024, participa a un recampament pacific de la Coordinacion rurala sul trajècte del Torn de França de passatge dins Òut e Garona.^[7] ^[8]

[1]

[2]

[3]

[4]

[5]

[6]

[7]

[8]

Karine Duc

Vejatz tanben

Referéncias

Wikiwand - on