Mauressac

Moressac ^[1],[2] o Moreçac ^[3],[4] (Mauressac en francés) es una comuna lengadociana, benlèu lingüisticament gascona de transicion, situada dins lo departament de la Nauta Garona e la region d'Occitània, ancianament de Miègjorn-Pirenèus.

Vilatge d'Occitània

Moreçac ? Moressac ? Mauressac
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Lo centre de Moressac.
Armas
Geografia fisica
Coordenadas	43° 19′ 30″ N, 1° 26′ 09″ E
Superfícia	4,52 km²
Altituds  · Maximala  · Mejana  · Minimala	312 m 220 m 191 m
Geografia politica
País	Lengadòc
Parçan	Volvèstre
Estat	França
Region 76	Occitània, ancianament de Miègjorn-Pirenèus
Departament 31	Nauta Garona
Arrondiment 311	Murèth
Canton 3103	Autariba
Intercom 243100542	CC du Bassin Auterivain Haut-Garonnais SIREN 200068807
Cònsol	Wilfrid Pasquet (2014-2020)
Geografia umana
Populacion Populacion totala (2018)	512 ab. Evolucion de la populacion 523 ab.
Densitat	108,63 ab./km²
Autras informacions
Còde postal	31190
Còde INSEE	31330

Geografia

Moressac es una comuna de l'airal urban de Tolosa situada a 35 km al Sud de la vila. Lo vilatge es bastit al jonhent de la val d'un pichon riu, (lo Daurus que talhèt las costièras de Volvèstre) e de la planura alluviala d'Arièja. Es pas al fons de la val mas sul penjal expausat al Sud que lo relèu, aquí, a penjals flacs. Fòrça ostals sont alinhats al bord d'una carrièra que travèrsa le vilatge, religa la val d'Arièja a la de Lesa (ligason Autariba-Lesat). Dos masatges sont a l'escart e de novèlas construccions sont bastidas alentorn pròche, boscats subretot de garrics. L'aspècte de la comuna es variat puèi que compren una partida de la planura de l'Arièja, los penjals del pichon riu cultivats al nivèl del vilatge e las costièras de Volvèstre, tanben cultivadas, mas gaireben boscats. Lo bòsc de Moressac a une particularitat per la region, es plantat de fòrça faus.

Mapa de la comuna de Moressac e de las comunas prèpas.

Perimètre del territòri

Comunas confrontantas de Moressac ? Moreçac ?

Puègdanièl		Autariba
Espèrça		Grasac

Toponimia

Per informacion, Cassini (sègle XVIII) e quitament la mapa d'Estat-Major (sègle XIX) escrivon Moressac; Mauressac ven sus las mapas pus recentas ^[5].

Moreçac vendriá d'un nom latin d'òme Mauricius o Maurentius, ambe'l sufixe -acum ^[6], latinizacion del sufixe gallés -ācon. L'evolucion Maur- > Mor-, quitament dins una sillaba pretonica, es irregulara mès pas impossibla. Mès Dauzat e Rostaing coneissián que lo nom oficial Mauressac. A prepaus d'un autre nom, citan pr'aquò un nom germanic d'òme, Morenzo (ambe'l sufixe -iacum) ^[7]que levariá la dificultat de la vocala iniciala e que pausariá un problèma de consonanta (mès passar de *Morenzac a *Morensac puèi a Moressac es pas d'una dificultat tarribla).

La grafia seriá regularament Moreçac ambe'ls etimes Mauricius o Maurentius, mès ambe Morenzo, la fòrma Moressac se justifica. S'i ajusta la règla que dins lo dobte, cal privilegiar la grafia pus simpla (comprene « pus evidenta sense coneissenças toponimicas o istoricas »). Lo cas demòra embarrassant.

Istòria

Pendent l'Ancian Regime, Moreçac èra de la diocèsi civila de Rius, doncas de la província de Lengadòc, de la generalitat de Tolosa, de la diocèsi de Rius, de la senescauciá de Tolosa. En 1790, Moreçac èra del canton de Sent Somplesi, en 1801 èra del canton d'Autariba. La glèisa es jol patronatge de Sent Bertomiu ^[8].

Administracion

Lista dels cònsols successius

Periòde		Identitat	Etiqueta	Qualitat
març 2014	2020	Wilfrid Pasquet	sense etiqueta	foncionari
març 1983	2014	Alain Maran	PS
	1983
Totas las donadas non son pas encara conegudas.

• Abans la refòrma cantonala de 2014, aplicada en 2015, la comuna, qu'èra del canton d'Autariba, i demorèt.

Demografia

modificar « persona »  v · d · m  Evolucion demografica Populacion comunala actuala (2013): 491, totala: 496
1793	1800	1806	1821	1831	1836	1841	1846	1851
129	136	174	206	206	219	225	281	286
1856	1861	1866	1872	1876	1881	1886	1891	1896
283	301	317	281	255	238	219	225	215
1901	1906	1911	1921	1926	1931	1936	1946	1954
204	209	230	204	205	203	187	169	142
1962	1968	1975	1982	1990	1999	2006	2007	2008
135	107	91	120	184	240	339	360	385 395
2009	2010
411 421	437 448
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• 2016 : 512

Personas ligadas a la comuna

• Yann Vincent, actor nascut en Corresa, demòra a Mauressac dempuèi 2005

Véser tanben

• Comunas de la Nauta Garona