ਅਰਬ ਜਗਤ

ਅਰਬ ਜਗਤ (Arabic: العالم العربي ਅਲ-ʿਆਲਮ ਅਲ-ʿਅਰਬੀ) ਵਿੱਚ ਉੱਤਰੀ ਅਫ਼ਰੀਕਾ, ਪੱਛਮੀ ਏਸ਼ੀਆ ਅਤੇ ਹੋਰ ਕਿਤੇ ਦੇ ਅਰਬੀ-ਭਾਸ਼ਾਈ ਦੇਸ਼ ਅਤੇ ਅਬਾਦੀਆਂ ਸ਼ਾਮਲ ਹਨ।^[1]

ਅਰਬ ਜਗਤ ਦਾ ਨਕਸ਼ਾ। ਇਹ ਅਰਬ ਜਗਤ ਦੀ ਮਿਆਰੀ ਰਾਜਖੇਤਰੀ ਪਰਿਭਾਸ਼ਾ ਉੱਤੇ ਅਧਾਰਤ ਹੈ ਜਿਸ ਵਿੱਚ ਅਰਬ ਲੀਗ ਦੇ ਨਾਲ਼-ਨਾਲ਼ ਪੱਛਮੀ ਸਹਾਰਾ ਦੇ ਮੁਲਕ ਵੀ ਆਉਂਦੇ ਹਨ। ਕਾਮਾਰੋਸ ਵਿਖਾਇਆ ਨਹੀਂ ਗਿਆ।

ਅਰਬ ਜਗਤ ਦੀ ਮਿਆਰੀ ਪਰਿਭਾਸ਼ਾ ਵਿੱਚ ਅਰਬ ਲੀਗ ਦੇ 22 ਦੇਸ਼ ਅਤੇ ਰਾਜਖੇਤਰ ਆਉਂਦੇ ਹਨ; ਜੋ ਪੱਛਮ ਵੱਲ ਅੰਧ ਮਹਾਂਸਾਗਰ ਤੋਂ ਪੂਰਬ ਵੱਲ ਅਰਬ ਸਾਗਰ ਅਤੇ ਉੱਤਰ ਵੱਲ ਭੂ-ਮੱਧ ਸਾਗਰ ਤੋਂ ਦੱਖਣ-ਪੂਰਬ ਵੱਲ ਅਫ਼ਰੀਕਾ ਦਾ ਸਿੰਗ ਅਤੇ ਹਿੰਦ ਮਹਾਂਸਾਗਰ ਤੱਕ ਫੈਲੇ ਹੋਏ ਹਨ।^[1] ਇਹਦੀ ਕੁੱਲ ਅਬਾਦੀ ਲਗਭਗ 422 ਮਿਲੀਅਨ ਹੈ ਜਿਹਨਾਂ ਵਿੱਚੋਂ ਅੱਧਿਆਂ ਤੋਂ ਵੱਧ ਦੀ ਉਮਰ 25 ਸਾਲਾਂ ਤੋਂ ਘੱਟ ਹੈ।^[2]