Eugene Holiday
gobernador di Sint Maarten (2010-2022) From Wikipedia, the free encyclopedia
Remove ads
Eugene Bernard Holiday (☆ 14 di december 1962 na Philipsburg) tabata e prome Gobernador di Sint Maarten di 2010 te 2022. El a wordo huramenta dia 7 di september 2010 dor di Conseho di Minister di Reino (Rijksministerraad).[1]
Remove ads
Bida
Eugene Holiday a nace dia 14 di december 1962 na Sint Maarten como e di cuater di shete yiu di Eugene Bernard Holiday Sr. y Leonie Cassandra Marsham. Despues di bishita Oranje School y St. Joseph School na Philipsburg el a sigui enseñansa secundario na Milton Peter College (MPC) na South Reward. Na Hulanda e ta completa VWO na Katholieke Canisius College na Nijmegen y ta continua su estudio na Universidad Catolico Brabant na Tilburg, obteniendo e titulo di doctorandus den economia na 1987.[2]
Holiday a cuminsa su carera profesional na Banco di Antias Hulandes na Corsou. Na 1995 e ta wordo apunta pa lidera e taskforce pa bin cu un plan di recuperacion pa e daño ocaciona pa orkan Luis. Di 1995 te 1998 e tabata director di e compania aereo Winair y di 1998 te 2010 presidente-director di e compania operador di Aeropuerto Internacional Princesa Juliana.[1]
Holiday a casa na 1990 cu Marie-Louise Hazel.
Remove ads
Politica
Despues di e desmantelacion di Antias Hulandes na 2010 Sint Maarten ta adkiri e status di pais autonomo dentro di Reino Hulandes. E hefe di estado ta e rey di Hulanda, actualmente Rey Willem-Alexander, kende ta wordo representa na Sint Maarten pa e gobernador. Eugene Holiday a bira dia 10 di oktober 2010 e prome gobernador di Sint Maarten. Despues di dos termino di seis aña e ta retira dia 10 di oktober 2022. Su sucesor ta Ajamu Baly.[3]
Na su despedida como gobernador Holiday a keda condecora como Comendador (Commandeur) den Orden di Oranje-Nassau.[3]
Remove ads
Link externo
Wikiwand - on
Seamless Wikipedia browsing. On steroids.
Remove ads
