Василь Сочка-Боржавин

From Wikipedia, the free encyclopedia

Василь Сочка-Боржавин
Remove ads

Василь Сочка-Боржавин, властным йменом Василь Сочка, *3. януар 1922, Берегово, Подкарпатска Русь, Чехословакия (дн. Украина) – †18. август 2010, Собранцѣ, Словакия — познатый педагог, поет, есеиста, публициста и културный дѣятель подкарпатскых Русинох.[2]

Коротка інформація Василь Сочка-Боржавин, Уроджѣня ...
Remove ads

Биография

Походжѣня

Походив з учительской родины з глубоков традициов. Его дѣдо Сочка Иван Петров (1863–1956) из Греблѣ над Боржавов быв там директором школы (1901–1939), а посмертно поклали му памятну таблу на стѣнѣ школы.[3] Од своих дѣточых рокох над Боржавов и споминок на дѣда взяв собѣ псевдоним Боржавин. Его отець, Андрѣй Иванов Сочка, тыж быв учительом. А сам Василь Сочка, хоть веце познатый як литератор и културный дѣятель, оддав педагогичной роботѣ понад 30 рокы.[4]

По материной линии его прадѣдом быв Андрѣй Рѣпай (1830–1914), познатый педагог, професор Унгварской учительской семинарии, редактор первой подкарпатской педагогичной новинкы Учитель (1867). Другый дѣдо быв пѣвцоучитель.[5][6]

Штудии и робота

Учив ся в народных школах в Костринѣ и Перечинѣ, в Ужгородской и Хустской гимназиях. В Ужгородѣ его учительом быв Алексей Фаринич, а в Хустѣ — Петро Линтур.[7] Обое были пропагаторами русского языка и литературы, а так уже в гимназиалны рокы В. Сочка собѣ освоив таку ориентацию и уже в року 1940 зачав з первыма литературныма пробами. Дебютовав вершами в новинках Русское слово, Карпаторусский голос, в колективных зборниках «12» (1940), Будет день (1941), Литературный альманах (1943). З первыма прозовыма пробами выступив в новинках Карпаторусский голос и Slovenská jednota (выдавала ся в Будапештѣ в 1940-х роках), По закончѣню Хустской гимназии од року 1940 учив ся на филозофичной факултѣ Будапештской универзиты.[4][2]

Через войнов причинены прикрости штудии закончив аж року 1950 на филологичной факултѣ Ужгородской державной универзиты.[1]

В повоенной добѣ оддав педагогичной роботѣ понад 30 рокы — в школах Тячовского, Мукачовского, Береговского районох, а пак в Закарпатском инштитутѣ здокональованя учительох, де проводив кабинет школ з мадярскым и румынскым выуковым языком. Служив тыж референтом в Рефератѣ умѣня областной администрации, литературным редактором новинкы Закарпатска правда, старшым библиографом и крайознательом Областной библиотекы.[4][8]

Сполоченска активность

В роках 1991–1992 быв предсѣдательом областного Общества Карпатскых Русинох, наступно честным предсѣдательом Ужгородского общества А. Духновича, участником Свѣтовых конгресох Русинох, членом и координатором Свѣтовой рады Русинох (1991–1995).[1]

Любив путовати по краях, де жиють Русины, быв участником их русинскых културных акций. Быв добрый и розважный муж, отець и приятель. Умер 18. августа 2010.[2] Было то в Собранцях в часѣ его послѣдного путованя до Чех. Погребеный в Новом Градку, чеш. Nový Hrádek, в Чехии, де жиють его дѣвка Надежда и жена Ирина.[9][10]

Remove ads

Литературна творба

В септембрѣ 1943 в Ужгородѣ вышла перва поетична зберька В. Боржавина Горы и доля.[4][7][8] Друга книжка была поетична зберька Верховинские напевы (1960), третя, котра повторила назву первой, Горы и доля (1990) вершина его русскоязычной творбы, подаюча найлѣпше и найповнѣйше понятя о творчости автора.[8][4] В наступных роках русинской оброды публиковав серию биографий под назвов Будителі Подкарпатськых Русинов (1995), зберьку русинской поезииї В подбескидных долинах (1996) и зборник есейох о русинской литературѣ и културѣ под назвов Зазвонили в селѣ на вичурню.[1][2] В тых роках активно выступовав тыж во вецейнистых периодичных русинскых выданях.[7]

Remove ads

Жерела и одказы

Указкы з творбы

Референции

Loading related searches...

Wikiwand - on

Seamless Wikipedia browsing. On steroids.

Remove ads
Remove ads