Виноградовскый район
From Wikipedia, the free encyclopedia
Remove ads
Виноградовскый районукр. Виноградівський район — бывшый найменшый район в Закарпатской области Украины.[2] Мать розлогу 697 км2 и 117 957 обывательох. Исторично походить з найменшой жупы Мадярского кралевства, Угочѣ, котра была вшакже майже два раз така велика (1213 км2)[3] и записала ся до истории своим самовольством[4][5].
Remove ads
Землеписна полога и характеристика района
Виноградовскый район найюжнѣйшый, найтеплѣйшый и про земледѣлство найвецей вгодный район области. Одты походять найскоршы и найлѣпшы ярины и садовина. Граничить з Мадярщинов и Румыниев, и в рамках догод тыж держав з Украинов обывателе района перетинають границѣ подля правил малого пограничного стыка. Территория мать переважно ровнинный характер. Лем над районным центром Виноградовом поднимать ся Чорна гора (568 м), природный флористичный резерват. Найвысша точка — гора Фрасин (826 м) — находить ся на межи з Хустскым районом. Через район тече найвекша рѣка области — Тиса, яка дѣлить го на двѣ части. Пяту часть территории района занимають лѣсы. Звѣринскый свѣт представляють зайцѣ, вовци, косулѣ, оленѣ, дикы свинѣ. З опѣреных: фазаны, крупкы, качкы.[6]
Remove ads
История района
Угочанска жупа взникла в 13. ст., коли по татаро-монголском впадѣ (1241-1242) исторична Боржавска жупа была роздѣлена на Бережску, Угочанску и Мараморошску.[7]
Виноградовскый район створеный в року 1953,[6] (в Подкарпатской Руси и Закарпатской Украинѣ называв ся: Севлюшскый округ). В року 1946 з ликвидациов Закарпатской Украины быв переименованый окружный центер Севлюш на Виноградово: «стару назву замінено на нову — Виноградів, яка найбільш підходить місту. Адже виноробством тут почали займатися з давніх часів.»[8] В роках 1946–1953 называв ся: Виноградовскый округ.
На Чорной горѣ над Виноградовом находять ся руины замка Канков.[9]
Remove ads
Административа
В районѣ суть мѣстска, двѣ мѣстечковы и 26 сельскы рады, якым подряджены 50 населены пункты.
В децембрѣ 2012 Виноградовска районна рада выголосила мадярскый язык регионалным на территории района.[1]
Жерела
- Paul Robert Magocsi. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. ISBN 978-80-89046-97-3
- Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935.
- Тронько П. и др. (ред.) Історія міст і сіл України. Том 7. Закарпатська область. К. 1969.
Одказы
Референции
Wikiwand - on
Seamless Wikipedia browsing. On steroids.
Remove ads