Золотарьово (Закарпатска область)

Золотарьово, мад. Ötvösfalva, чеш. Zlatáry — село в Хустском районѣ Закарпатской области Украины, центер сельской рады.^[2][3]

Село Украины Золотарьово Выгляд на село з околици Держава УкраинаУкраина Область ЗакарпатскаЗакарпатска Район Хустскый Еврорегион Карпаты Координаты 48.180833, 23.50166748°10′51″ с. ш. 23°30′06″ в. д.48.180833° с. ш. 23.501667° в. д. (G) (O) (Я) Надморска вышка 319[1] м Обывательство 4226 особ (2001) Часова зона UTC+2, влѣтѣ UTC+3 Телефонный код +380 3142 Поштовый индекс 90441 КОАТУУ 2125383201 Официалный сайт Райадминистрация укр Золотарьово

Административа

Сельска радаукр.

Золотарьовська сільська рада

90441, с. Золотарьово, вул. Центральна, 52

тел. 51-280, 70-135;

Од року 2020 входить до Драговской громады.^[uk]

Полога

Золотарьово оддалене о 25 км од районного центра и о 18 км од желѣзничной штации Сокырниця.^[2]

История

Перва упоминка походить з року 1409: Wthwesfalwa. Назва походить од мад. ötvös 'ремеселник, котрый нараблять зо золотом, золотарь', але годна то быти не назва професии, а прозывка особы (закладателя, властника). Официална украинска назва Золотарьово — зеркалный переклад.^[4]

В року 1910 Золотарьово было переважно русинске, зоз 2032 обывательох были: 1957 Русины, 66 Нѣмцѣ, 9 Мадяре. Подля вѣры: 1965 грекокатолици, 66 израелиты.^[5]

В року 1930, в чехословацкой добѣ, село Zlatáry мало 2234 обывателе, з котрых были 2123 Русины, 102 Евреи, 2 Чехы и Словаци, 7 чужоземцѣ. Грекокатолицка громада: 2041 особа; мурованый храм Св. Йоанна Крестителя з року 1806. В селѣ была русинска школа (6 клас) и чешска (1 класа); ходив штатный автобус.^[6]

23. октобра 1944 з приходом Червеной армады ся зачала украинска доба истории села.^[2] Спочатку село было поименоване Золота́рьево, а пак подля украинскых норм Золотаре́ве.^[4] У Золотаревому была една восямрочна и три зачаточны школы, двѣ библиотекы и Културный дом. В року 1969 ту жили 3496 особ.^[2]

Вызнамны родаци

• Василь Довгович (1783–1849), грекокатолицкый священик, филозоф, поет, дописный член Мадярской Академии Наук (од року 1831).^[3]

Жерела и одказы

• A történelmi Magyarország atlasza és adattára 1914 ISBN 963 85683 3 X Доступно онлайн мад.
• Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. ISBN 978-615-5097-53-9
  мад. Sebestyén Zsolt (2014-08-15). Máramaros megye helységneveinek etimológiai szótára (по мадярскы). MEK OSzK. http://mek.oszk.hu/13200/13208/index.phtml. [перевірено 2022-09-02].
• Ярослав Достал: Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр.
• Тронько П. и др. (ред.): Історія міст і сіл України. Том 7. Закарпатська область. К. 1969. укр.