Синевирска Поляна

Синеви́рска Поля́на, укр. Синевирська Поляна; мад. Felsőszinevér — село в бывшом Межгорском районѣ^[3] Закарпатской области Украины.

село Украины Синевирска Поляна Выгляд в селѣ над Теребльов Держава УкраинаУкраина Область ЗакарпатскаЗакарпатска Еврорегион Карпаты Сельска рада Синевирско-Полянска Координаты 48.584444, 23.68638948°35′04″ с. ш. 23°41′11″ в. д.48.584444° с. ш. 23.686389° в. д. (G) (O) (Я) Середня вышка 818[1] м Обывательство 1354[2] особ (2001) Часова зона UTC+2, влѣтѣ UTC+3 Телефонный код +380 3146 Поштовый индекс 90040 КОАТУУ 2122487201 Синевирска Поляна

Сельска рада

Синевирсько-Полянська сільська рада^[2] укр.

90046, Закарпатська обл., Міжгірський р-н,

с.Синевирська Поляна, 147

Тел. [phone]

Ку сельской радѣ належать еще три села и 10 приселкох.^[4] Села суть: Берегы, Загорб, Свобода.^[5]

География

Село лежить в безпосредной близкости озера Синевир и е фреквентованов туристичнов локалитов. Оддалене о 27 км од районного центра^[4] и о 72 км од желѣзничной штации Воловець.^[5] В околици лежать верхы Канч (1579 м н.м.), Камянка (1578 м н.м.), Погарь (1499 м н.м.), Озерна (1496 м н.м.), Менчил (1382 м н.м.).^[4]

Назвы

История

Перва упоминка под назвов Szinaver Pojana походить з року 1715. В зачатку 1900-х при упорядкованю назва змѣнена на Felsőszinevér (Вышный Синевир), а сосѣдный Синевир назвали Alsószinevér (Нижный Синевир). В украинской добѣ вернули ся на стары назвы обох сел. Даякый час (по року 1944) назва была Синевир Поляна, а пак была украинизована на Синевирська Поляна.^[6]

Етимология

Етимология назвы объяснена на сторонѣ Синевир.

Топонимы

Готарны назвы в околици: Острѣкы, Рабачинка, Гатара, Минчеловскый, У болотах.^[4]

История села

В року 1817 освячена грекокатолицка деревяна церква Покровы Пресвятой Богородицѣ.^[7] Еще скорше в готарѣ У болотах была старша церква, при котрой од 1770-х рокох фунговала фарска дяковска школа.^[4]

В року 1930 в селѣ быв 1101 обыватель, з того 1052 — Русины, 19 — Чехы и Словаци, 18 — Евреи, 9 — Мадяре, 3 — Нѣмцѣ. Грекокатолицка громада числила 1027 вѣрникох. З державных инштитуций была русинска школа (4 класы), станиця финанцох, лѣсорубна управа и лѣсосплавный комплекс з воднов гатьов Слобода около приселка Свобода.^[7]

В роках 1939–1941 169 обывательох утѣкли до СССР, 135 были засуджены до лагрох.^[4]

23. октобра 1944 село заяла Червена армада, и зачала ся писати его украинска история.^[5] Покровска церква стала ся православнов. 108 хлопцьох взяты воевати до Червеной армады, 6 — на обнову майн в Донбасѣ, 5 — воевати в Афганистанѣ.^[4]

Днешность

Село мать восѣмрочну школу, клуб, библиотеку.^[5] В конци лѣта одбывать ся фестивал На Синевир трумбеты кличуть. Фунгуе круглорочно векше число приватных убытовных, оздоровных туристичных объектох, амбуланта, пошта, горска захранна служба.^[8]

Вызнамны особы

• Петро Продан (1919), учитель и писатель — жив и учительовав в селѣ в роках 1951/52 и 1952/53.

Интересны факты

• Синевир Поляна первый раз ся упоминать о 111 рокы позднѣйше як сосѣдный Синевир. Село заклали польскы бѣженцѣ по поражцѣ Ференца II. Ракоция.^[6]
• Синевирска Поляна — найвысше положене горске село в Украинѣ: приселок Сакальова мать вышку 1145 м н.м.^[4]
• В селѣ суть 82 матери-героинѣ, найстаршый обыватель жив 105 рокы.^[4]

Жерела и одказы

• Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. ISBN 978-615-5097-53-9 мад.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр.
• Тронько П. и др. (ред.) Історія міст і сіл України. Том 7. Закарпатська область. К. 1969. укр.
• Федака Сергій. Населені пункти і райони Закарпаття. Історично-географічний довідник. "Ліра". Ужгород, 2014. ISBN 978-617-596-158-2 укр.
• Синевирська Поляна (по украинскы). Верховна Рада Украины. http://w1.c1.rada.gov.ua/pls/z7503/A005?rf7571=11318. [перевірено 2019-08-06].
• Синевирська Поляна-информер (по украинскы). Weather in UA. 9. октобер 2025. https://weather.in.ua/ua/zakarpatskaja/23818. [перевірено 2019-08-06].