Плоское (Закарпатска область)

Плоское, укр. Плоске, до року 1945 мад. Dombostelek — село в бывшом^[2] Свалявском районѣ Закарпатской области Украины, центер сельской рады.^[4]

Село Украины Плоское Плоске укр. Dombostelek мад. Герб Давны назвы Ploszkó, 1597[1] мад. Держава УкраинаУкраина Область ЗакарпатскаЗакарпатска Район Свалявскый[2] Териториална громада Полянска сельска Координаты 48.665, 22.89916748°39′54″ с. ш. 22°53′57″ в. д.48.665° с. ш. 22.899167° в. д. (G) (O) (Я) Надморска вышка 299[3] м Обывательство 1080 особ (2001) Часова зона UTC+2, влѣтѣ UTC+3 Телефонный код +380-3133 Поштовый индекс 89311 КОАТУУ 2124084201 Плоское

Полога

Село лежить о 17 км на сѣвер од Свалявы.^[4]

История

Перва исторична документована споминка о селѣ под тогдышнов назвов Ploszkó мад. датована роком 1597.^[4][1] Сучасна мадярска назва Dombostelek присвоена в року 1889.^[1]

При списованю в року 1910 село Dombostelek зазначене як чисто русинске зоз 585 обывателями, найблизша пошта и телеграф тогды были в Полянѣ.^[5]

В року 1930 подля чехословацкого списованя в селѣ Ploské (Dombostelek) заевидованы 822 обывателе, а то: 689 Русины, 28 Евреи, 18 Мадяре, 10 Чехы и Словаци, 1 неозначеной народности и 76 чужоземцѣ. В селѣ была русинска школа (3 класы). Грекокатолицка громада числила 757 вѣрникы и мала муровану церкву Покровы Пр. Богородицѣ од року 1928.^[6]

В року 1944 около села дѣяли партизаны Тканка О. В. За помоч партизанам были розстрѣляны 7 селян, а 14 высланы на примусову роботу до Третього Райха. Село выслободжене 24. октобра 1944 Червенов армадов, и одтогды ся пише украинскый период его истории. В селѣ отворили середню школу, библиотеку и клуб. Плосковской сельской радѣ были подряджены села Оленьово, Павлово, Плоскый Поток, Яковское.^[4]

Вызнамны родаци

• Александер Митрак (1837–1913), русинскый будитель, священик, писатель, поет, фолклориста и етнограф, лексикограф.^[4]

Жерела и одказы

• Révai nagy lexikona 5. köt., 671. old. Révai Testvérek Irodalmi Intézet Részvénytársaság, Budapest. 1912 мад.
• Sebestyén Zsolt. Holubina, Голубине. Bereg megye helységneveinek etimológiai szótára. Nyíregyháza: Bessenyei Könyvkiadó, 2010. 115. old.. http://mek.oszk.hu/11600/11640/11640.pdf.мад.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород: «Карпати», 2014. ISBN 978-966-671-374-5. https://www.twirpx.com/file/1775048/.укр.
• Тронько П. и др. (ред.) Історія міст і сіл України. Том 7. Закарпатська область. К. 1969 укр.
• Інформер: Плоске. weather.in.ua. https://weather.in.ua/ua/zakarpatskaja/20854. [перевірено 2022-03-20].укр.