Тарасовка (Закарпатска область)

Тарасовка (до року 1946 Терешул;)^[1],(Даколи Терешиля) — село в Тячовском районѣ Закарпатской области Украины.^[2]

Администрация^[3]укр.

Тарасівська сільська рада

90530, с. Тарасівка,

вул. Центральна,150

тел. [phone]

Село Украины Тарасовка Тарасівка укр. Давны назвы до 1946 — Терешул Держава УкраинаУкраина Область ЗакарпатскаЗакарпатска Район Тячовскый Громада Нересницка Координаты 48.2075, 23.81444448°12′27″ с. ш. 23°48′52″ в. д.48.2075° с. ш. 23.814444° в. д. (G) (O) (Я) Розлога 36 км² Вышка центра села 426 м Обывательство 3067 особ (2001) Часова зона UTC+2, влѣтѣ UTC+3 Телефонный код +380-3134 Поштовый индекс 90530 КОАТУУ 2124486601 Тарасовка

Од року 2020 входить до Нересницкой териториалной громады.

История

Перва упоминка в историчных жерелах датована роком 1638: мад. Tereselpataka, Tarass.^[4]

Назва села походить од малой рѣчкы Терешул, над котров оно положене.^[5] Попри вецерох вариантах тота назва устояла ся од зачатку XIX. стороча.^[4]

В року 1910 зоз 1218 обывательох села были: 1178 Русины, 21 Нѣмцѣ, 14 Мадяре; подля вѣры: 1188 грекокатоликы, 21 израелиты.^[6]

В чехословацкой добѣ (1919–1939) село спочатку называло ся Терешул,^[7] а од списованя року 1930 евидоване як Тересова.^[8][4]

В року 1930 в Тересовѣ бывали 1496 особ: 1482 Русины, 9 Евреи, 4 Мадяре, 1 Чех або Словак. Грекокатолицка громада мала 1105 вѣрникы и деревляну церкву св. Михаила, 1860; православна — 337 вѣрникы и деревляну церкву св. Илия, 1934 (згорѣла в року 1961). В селѣ была русинска школа (3 класы). На лѣвом березѣ потока Терешулка было лѣчиве жерело, называне Буркут, з простенькыма купелями.^[8]

В року 1939, по навернѣню мадярской администрации, вернула ся до уживаня давна назва села Терешул.^[4]

22. октобра 1944 Червена Армада выслободила село од фашистох, и зачала ся украинска доба його истории.^[2]

В року 1946 году указом Президии Верховной Рады УССР село Терешул перейменоване на Тарасовку.^[9]

В року 1969 Тарасовка мала 3065 обывательох, восямрочну школу, библиотеку, клуб, три фелчерско-акушерскы пункты, породню, кантину, пять торговых точок, водолѣчебну купель.^[2]

Вызнамны родаци

• Иван Парканий (1896–1996) — министер ЧСР, четвертый губернатор Подкарпатской Руси.
• Надѣя Дьолог — фехтовалниця на колесовом крѣслѣ, паралимпийка, срѣберна призерка Паралимпиады 2024, общественна дѣятелька.

Жерела и одказы

• A történelmi Magyarország atlasza és adattára 1914 ISBN 963 85683 3 X Доступно онлайн мад.
• Dr. Jiří Král. Podkarpatská Rus. V Praze, nákladem vlastním, 1924. чеш.
• Sebestyén Zsolt. Máramaros megye helységneveinek etimológiai szótára. Bessenyei könyvkiadó. Nyíregyháza, 2012. ISBN 978-615-5097-53-9 мад.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр. укр.
• Тронько П. и др. (ред.) Історія міст і сіл України. Закарпатська область. К. 1969. укр.
• Указ Президії Верховної Ради УРСР від 25.6.1946 «Про збереження історичних найменувань та уточнення … назв … Закарпатської області» — Вікіджерела uk.wikisource.org укр.