Afmadow
From Wikipedia, the free encyclopedia
Remove ads
Afmadoow (Af Ingiriis : Afmadow) waa magaalo ku taala koonfurta wadanka Soomaaliya, taasi oo dhacda badhtamaha gobolka Juba isla markaana xad la leh wadanka Kenya, magaalada Badhaadhe, Kismaayo, Jamaame, Jilib, Xagar, Baardheere iyo Ceelwaaq. Magaalada Afmadoow waxay ku jirtaa caasimada Muqdisho baaxad dhan 401 km[2].
Remove ads
Taariikhda
Afmadow waxaa la wareegay sanadkii 2006-dii waxaana gacanta ku dhigay midowgii Maxkamadaha Islaamiga ah si la mid ah degmooyinka kale ee gobolkaas oo ay qabsadeen dagaaladii sokeeye ee Soomaaliya . 21-kii Nofembar 2009, Maleeshiyada Islaamiga ah ee Al-Shabab ayaa la wareegay gacan ku haynta Afmadow, taasoo keentay in boqolaal qoys iyo sidoo kale samafalayaal reer galbeed ah ay isaga cararaan cabsi ay ka qabaan colaad. Koox kale oo Islaami ah, Xisbul Islaam , ayaa maalin ka hor isaga baxday, taasoo u ogolaatay Al-Shabaab inay gudaha u galaan iyaga oo aan iska caabin badan lahayn. Xiisad ayaa ka dhex aloosantay labada maleeshiyo tan iyo markii ay isbahaysigii hore ku dagaalameen Kismaayo bishii October, taasoo keentay dagaal iyo Al-Shabaab oo Kismaayo la wareegtay bishii Oktoobar 2009. 18kii Oktoobar 2011, goob joogayaal ayaa soo sheegay in diyaaradaha Kenya ay joog hoose ku dul heehaabayaan magaalada, al-Shabaabna ay diyaarinayeen nidaamyo ay kaga difaacaan weerarro la filayo in ay kala kulmaan ciidamada Kenya ee qeybta ka ah faragelinta Kenya ee Soomaaliya . Xiligaas, dowladda Muqdisho waxay dafirtay joogitaanka ciidamada Kenya ee Soomaaliya. 31-kii Maajo 2012, waxaa la sheegay in ciidamada Jubbaland oo taageerayay KDF ay qabsadeen magaalada, iyadoo Al-Shabaab ay magaalada isaga baxeen dagaal la’aan.
Remove ads
Hordhac
Afmadow waa magaalo aad u facweyn oo ka mid ah degmooyinka Gobolka Jubbada Hoose waxa dago qaabilka somaliyeed ee Ogadeen lakiin waxaa dhinaca dhobley ka dago Gaadsan. Waxay ka mid tahay degmooyinkii ugu horreeyey ee koofurta Soomaaliya. Gumestihii talyaaniga ayaa degmo u magacaabay sanadkii 1889 kii. Bariga waxaa ka xigta degmada Jilib, Woqooyiga waxaa ka xigta degmada Xagar. Woqooyi galbeed waxaa ka xigta degmada Ceelwaaq. Koofur waxaa ka xigta degmada Kismaayo. Koofur bari degmada Jamaame. Koofur galbeedna degmada Badhaadhe. Galbeedna waxa ka xiga degmada Dhobley oo xuduuda Gobolka woqooyi bari ee Kenya u jirto 18KM. Afmadow dadka ku nool waxay ku tiirsan yihiin dhaqashada iyo ka ganacsiga xoolaha nool, ganacsiga yar yar ee badeecooyinka kala duwan iyo beeraha yar yar ee roobka ku baxa.
Xaafadaha waaweyn ee magaalada Afmadow waxaa ka mid ah: Waamo, Faanoole, Hodan, Buuloweyn, Adablaha, Buulogumar, Barxadda, Adoole, Baldooska, Danwadaag, Cameroon iyo kuwo kale.
Remove ads
Sidoo Kale Fiiri
Tixraac
Wikiwand - on
Seamless Wikipedia browsing. On steroids.
Remove ads