DigitAlb

DigitAlb (shqiptuar "dixhitalb") është një kompani mediatike shqiptare, si dhe platformë digjitale tokësore, satelitore dhe OTT, me seli në Tiranë, Shqipëri. Kompania u themelua më 24 mars 2004 nga Dritan Hoxha si pjesë e grupit Top Media, bashkë me televizionin e tij kryesor Top Channel dhe shumë kompani të tjera.^[2]

Ky artikull ose seksion duhet të përmirësohet sipas udhëzimeve të Wikipedia-s.

Fakte të shpejta Lloji, Industria ...

DigitAlb Sh.A.

Lloji	Shoqëri aksionare
Industria	Komunikimi Argëtimi Prodhimi televiziv
Themeluar në	24 mars 2004; 21 vite më parë (2004-03-24)^[1]
Themeluesi	Dritan Hoxha
Zyrat qendrore	Rr. "Pavarësia" nr. 39, Kashar, Tiranë , Shqipëri
Zona e shërbimit	Shqipëri Kosovë Evropë (satelit dhe OTT) Amerikë Veriore (OTT) Australi (OTT)
Njerëzit kyç	Eglinor Ramaj (CEO)
Prodhimi	Programe televizive dhe video-on-demand
Shërbimet	Sinjal digjital MPEG-4 Kanale televizive me pagesë (pay-per-view)
Owner	Familja Hoxha (51%) Union Group (13.6%) Të tjerë (35.4%)^[2]^[3]
Prindi	Top Media
Faqja e internetit	Official Website

Ajo filloi transmetimin më 15 korrik 2004 me sinjal tokësor në qytetet kresore të Shqipërisë, dhe më pas nga dhjetori në satelit dhe me cilësinë e lartë të figurës. Platforma ofron një paketë të kanaleve televizive me pagesë duke përfshirë video-on-demand (VOD) përmes shërbimit OTT (ky i fundit që prej 2018). Në Europë, ajo transmeton përmes satelitit Eutelsat 16A.

Kompania prodhon seriale origjinale dhe filma artistikë.

Sipas revistës Monitor, DigitAlb u rendit në vendin e 41-të për nga qarkullimi vjetor në vitin 2014, duke qarkulluar 5,46 miliardë lekë.^[4]

Viti 2004, do të shënjonte si një vit kulmor në fushën e zhvillimit tërësor të medias elektronike në Shqipëri duke krijuar në të njëjtën kohë, premisat e duhura për fillimin e transmetimeve të programeve televizive dhe radio nëpërmjet një tjetër teknologjie transmetimi, atë digjitale.

E pikërisht në këtë kohë, më 15 korrik të vitit 2004 nisi zyrtarisht transmetimet platforma e parë televizive dixhitale në Shqipëri. Lindi DigitAlb, një ndër të parat platforma dixhitale tokësore në Evropë, duke shënuar kështu dhe zhvillimin më të madh në historinë e transmetimeve televizive shqiptare.

Ideja dhe iniciativa e Dritan Hoxhës, filloj të realizohej dhe të merrte jetë edhe pse mes kundërshtive të forta politike e institucionale të kohës, përplasjeve me konceptet dhe mentalitetet skeptike ekzistuese dhe pesimizmit të elementëve të ndryshëm të tregut.

Menjëherë u ndje fillimi i një ere të re. Fillimisht u mbulua me sinjal Tirana dhe Durrësi dhe më pas një nga një, Fieri, Lushnja, Elbasani, Shkodra e Vlora. Një gamë e gjerë programesh, nga çdo zhanër, ofruar përmes kanaleve tematikë të platformës nisi të plotësojë “oreksin” e publikut për të ndjekur gjithçka donte në ekran e të gjitha këto përmes cilësisë tepër të lartë të figurës dhe zërit, info elektronike EPG, dekoder të personalizuar me menu në shqip, deri atëherë e pamendueshme. Për herë të parë lindën kanalet e fëmijëve 24 orë të dubluara në shqip.^[5]

Më 15 dhjetor të vitit 2004, vetëm 5 muaj nga lindja, DigitAlb shënon një hap të ri, ai fillon edhe transmetimin e kanaleve të tij në satelit në mbarë Evropën duke qenë e vetmja platformë e re dixhitale e kontinentit të vjetër në transmetime tokësore dhe satelitore njëkohësisht. Kështu DigitAlb nisi të përçonte Shqipërinë kudo ku punojnë e jetojnë shqiptarë.

Në vitet e para dhe ne vazhdimësi, DigitAlb, shtonte numrin e kanaleve të platformës së tij, duke plotësuar më mirë gamën e kërkesave dhe shijeve të publikut, me më shumë kanale për fëmijë, më shumë kanale filmash, më shumë dokumentarë, dhe të gjitha në shqip, me më shumë muzikë dhe sport.

Duke shtuar vazhdimisht numrin e shërbimeve dhe nivelin e kualitetit në transmetimin e programeve, DigitAlb ka qenë dhe mbetet përherë pararojë absolute e teknologjisë më të fundit digjitale dhe programacionit më të plotë dhe cilësor, jo vetëm në Shqipëri por edhe më gjerë; në rajon e Evropë.

Në dhjetor të vitit 2007 DigitAlb implementon në platformën satelitore stadin më të avancuar të transmetimeve televizive digjitale ; HDTV - High Definition Television me anë të së cilës arrihet të përcillet në masën më perfektë të mundshme, çdo detaj i figurës dhe zërit. DigitAlb ishte e vetmja platformë në Evropë që hidhte në satelit 6 kanale të rinj tematikë me profile të ndryshëm që transmetojnë në këtë kualitet filma, dokumentarë, sport, seriale, programe për të rritur, show dhe spektakël e çdo gjë tjetër dhe duke u identifikuar kështu nga të gjithë si një platformë lider.

DigitAlb, vazhdon të thyejë njëpasnjëshëm kufijtë duke qenë gjithnjë e më i kërkuar në treg e duke shtuar vit pas viti shërbimet dhe numrin e abonentëve.

Më 3 nëntor të 2008-ës, DigitAlb nis në transmetim tokësor & satelitor shërbimin televiziv PAY-PER-VIEW, nëpërmjet kanalit të posaçëm Digi Gold ku ofrohen përmes pagesës së dedikuar për çdo event, filmat më të fundit dhe programe të zhanreve të tjera. Pjesë e paketës PPV të DigitAlb janë edhe 2 kanalet sezonalë Big Brother të cilët transmetojnë LIVE 24 orë në 24 gjithçka që ndodh mes banorëve të shtëpisë më të vëzhguar në Shqipëri.

DigitAlb futi një frymë krejt të re në ekranet shqiptare, duke sanksionuar imazh dhe zë zyrtar, duke promovuar në një formë krejtësisht të veçantë e origjinale, çka e bëjnë të jetë gjithnjë e më tërheqës për publikun.^[6]

Digitalb HD1 ishte një prej kanaleve televizive HD të platformës shqiptare e cila transmetoi i pari në cilësinë HD, platforma Digitalb. Ai transmetoi finalen e Top Fest 6 në këtë cilësi të lartë e të qartë në televizionin Top Channel që e bën të parin kanal në atë kohë në historinë televizive shqiptare me këtë cilësi. Kanalet e tjera HD të kësaj platforme ishin: DigitAlb HD2, Digitalb HD3. Më pas kanalet SD pas dixhitalizimit të televizioneve shqiptare në 2018-2019 u hoqën dhe kanalet e DigitAlb e kanalet e tjera shqiptare ndryshuan në transmetimin HD.

Historia

Informacionet teknike

Modelet e dekoderave dhe pajisjeve të DigitAlb që nga krijimi i tij:

Kanalet

Referime

Shiko edhe

Lidhje të jashtme

Wikiwand - on