Amazon

Amazon mangrupa perusahaan bisnis anu maké métode online panggedéna sadunya^[1]. Puseur kantorna aya di Seattle, Washington, Amérika Serikat^[1]. Ieu perusahaan mimitina ukur dagang buku^[1]. Kiwari produkna mingkin ngalobaan, ti mulai DVD, CD, vidéo, MP3, aplikasi komputer, vidéo game, barang éléktronik, raksukan, parabot rumah tangga, kadaharan, jeung perhiasan^[1]. Ieu perusahaan diadegkeun ku Jeff Bezos di taun 1944^[1]. Sanggeus ngagunakeun métode online dina dagangna, ngaranna perusahaanana jadi amazon.com^[1]. Ngaran Amazon dicokot tina ngaran leuwi panggedéna sadunya^[1].

Logo perusahaan Amazon.

Sajarah

Saméméh ngadegkeun Amazon, Jeff Bezos nyekel kalungguhan salaku wakil présidén di perusahaan D.E. Shaw^[1]. Jeff Bezos milih eureun tina pakasabanana, pikeun ngilu ancrub dina bisnis dagang dina internét anu harita keur mekar^[1]. Manéhna yakin yén ieu bisnis bakal ngaronjat nepi ka 2.300%^[1]. Ahirna Jeff Bezos mulai ngadaptarkeun sababaraha produk pikeun dijual sacara online. Éta produk téh di antarana compact disc (CD), pakakas komputer, aplikasi, vidéo, jeung buku^[1]. Produk anu panglakuna nyaéta buku, ahirna Jeff Bezos nyieun kacindekkan rék panceg jualan buku waé di toko online-na^[1].

Sanggeus dua bulan ngadeg, Amazon geus ngajual produl ka 50 kota ti 45 nagara^[1]. Bulan salajeungna, daya jualna ngaronjat nepi ka ngahontal 20.000 dollar AS di unggal mingguna^[1]. Di taun 1998, Amazon teu saukur ngajual buku hungkul, tapi sababaraha produk kawas DVD^[1]. Lian ti éta Amazon ogé gawé bareng jeung sababaraha perusahaan séjén pikeun mekarkeun bisnisna.

Ti taun 1998, Amazon geus muka cabang sacara internasional mimiti anu ditampilkeun di Inggris jeung Jérman^[1]. Nepi ka kiwari Amazon miboga bisnis online anu sumebar di nagara-nagara maju di dunya kawas Amérika Serikat, Kanada, Prancis, India, Italia, Spanyol, Brasil, Jepang, Cina, Walanda^[1], Swédia, jeung nagara séjénna^[1].

Stratégi

Amazon mangrupa perusahaan publik anu kawéntar sadunya, sanggeus bisa ngéléhkeun pasar Microsoft^[2]. Di taun 2020, jumlah harta Jeff Bezos ngahontal US$188 miliar^[3]. Aya sababaraha stratégi Amazon, sangkan ngirut invéstor pikeun gabung jeung ieu bisnis di antarana:

• Amazon ngalarapkeun stratégi limitasi, anu miboga harti ngajual barang anu diwatesanan jumlahna^[4].
• Ongkos kirim dibéré gratis pikeun sabaraha katangtuan^[4]. Katangtuan anu dilarapkeun perusahaan Amazon di antarana, ongkos bisa gratis lamun geus nepi ka wates biaya minimal nalika meuli. Katangtuan kadua, kudu daptar jadi anggota di Amazon^[4].
• Amazon ngabandingkeun sababaraha produk anu dijualna^[4]. Hal anu dibandingkeun bisa tina kualitas, merk, jeung harga^[4].
• Cloud, ngaliwatan Amazon Web Service ngajadikeun ieu perusahaan jadi pamaén dina bisnis anu gedé^[2]. Bati tina AWS sakitar US$23 miliar^[2]. Ieu wéb miboga anggota aktif, sarta miboga 140 layanan pikeun mekarkeun bisnis^[2]. Ieu fasilitas bakal dimekarkeun ka Bahrain, Hong Kong, jeung Afrika Kidul^[2].
• E-commerce anu ilubiung jeung Amazon^[2]. Ieu perusahaan geus nyumbangkeun satengah tina hasil daganganana keur Amérika Serikat^[2]. 90% bati ti perusahaan Amazon dihasilkeun tina jualan ritél^[2].
• Mekarkeun bisnis dina widang pelayanan kaséhatan^[2].
• Tuluy ngalakukeun ékspérimén^[3].
• Mekarkeun inovasi bisnis, sarta mampuh ngigelan zaman^[3].