Burseraceae

Burseracéae nyaéta kulawarga tutuwuhan tina ordo Sapindales nu mangrupa anggota kelompok utama Angiospermae (tutuwuhan kembangan).^[1][2] Kulawarga ieu asli utamana ti Amerika tropis, ngan sababaraha spésiés aya di Afrika jeung Asia.^[1] Anggota kulawarga ieu miboga daun nu pagenti sapanjang batang jeung diwangun ku loba salembaran, kembang tunggal atawa majemuk, jeung miboga buah nu dagingan.^[2] Burseracéae diwangun ku antara 18 genus jeung 540 spésiés tutuwuhan kai nu kadang-kadang ngawangun batang pachycaul nu kaasup anggota nu ngahasilkeun résin seungit tina minyak kulitna (misalna menyan atawa mur).^[3] Produk éta penting di zaman kuna pikeun dipaké dina dupa, minyak seungit jeung salaku pangaét.^[3]

Kulawarga menyan
(Burseraceae)
Klasifikasi ilmiah
Karajaan:	Plantae
Divisi:	Magnoliophyta
Kelas:	Magnoliopsida
Ordo:	Sapindales
Kulawarga:	Burseraceae