Tropis

Tropis nyaéta daérah atawa wewengkon anu pernahna aya dipalebah/sabundeureun khatulistiwa ^[1] disebut ogé garis isotherm cidekna bisa waé beulah kidul atawa kalér,^[2] daérah anu mibanda iklim tropis bisa waé dina palebah guratan 23,5 darajat lintang kidul jeung 23,5 darajat lintang kalér^[2]. Tropis asal kecap tina basa Yunani "tropicos" anu hartina garis balik, maksudna garis/gurat anu pernahna 23,27 darajat kidul jeung kalereun bumi^[3].

Peta/gambar dunya jeung zona Intertropical

Bumi anu mibanda iklim tropis dina ugeran 12 bulan suhuna rata-rata 20 darajat

Pedaran

Daérah-daérah anu pernahna aya dina wewengkon tropis bisa dibedakeun kana dua kaayaan; daérah tropis garing anu ngawengku bioma stepa, bioma savana, jeung gurun.^[2] Dérah tropis baseuh/lembab ngawengku daérah leuweung hujan tropis (bioma leuweung hujan), daérah anu mibanda usum-usum jemlék^[2].

Ciri-ciri iklim tropis

1. Pernahna aya dina 23,5 darajat lintang kalér jeung 23,5 darajat lintang kidul
2. Hawana karasa panas nyongkab 20-30 darajat, ieu dilantarankeun ku cahaya panonpoé anu manceran lempeng aya di luhureunna
3. Hawana kawilang netep, henteu aya gunta ganti hawa anu leuwih ti misti (umpamana hawa tiis nepika bijil salju).
4. Langitna loba haseup ku lantaran tina uap cai anu kapanasan, utamana cai laut.
5. Usum hujan leuwih lila jeung dinamangsa hujan kawilang gedé (ngagebrét)
6. Daérahna kawilang subur, ku lantaran usum hujan leuwih lila
7. Panonpoé moncorong sapanjang taun
8. Ngan mibanda dua usum tayalian usum hujan jeung usum halodo
9. Tatangkalan anu aya di wewengkon tropis leuwih kékép jeung kelirna héjo^[2]

Nagara-nagara anu mibanda iklim tropis

Beulah kulon

• Nagara Amerika tengah
• Kapuloan Karibia
• Nassau di Kapuloan Bahama
• Amerika beulah kidul ; Kolombia, Ekuador, Peru, jeung sajabana
• Sawaréhna nagara Mexico^[2]

Beulah wétan

• Yaman
• Arab Saudi (beulah kidul)
• Oman
• Uni Emirat Arab^[2]

Tatangalan anu aya di daérah tropis

Leuweung di di wewengkon tropis mibanda ciri mandiri pangeusina leuwih kékép, dauna garomplok ku lantaran kitu leuweungna jadi leuwih poék. Sababaraha tangkal anu hirup di leuweung tropis:

1. Meranti (Shorea dan Parashorea)
2. Keruing (Dipterocarpus)
3. Kapur (Dryobalanops)
4. Kai Beusi (Eusideroxylon zwageri),
5. Kai Hideung (Diospyros sp)
6. Sabangsaning Palem (Palmae): Kalapa, Jambé, Bingbin, Jeung sajabana
7. Albasiah (Acacia auriculiformis)
8. Jeung sajabana ^[2]

Sasatoan anu aya di daérah tropis

1. Sabudeureun Afrika ;Gorilla, gajah, peusing, onta, kuda nil, jeung sajabana
2. Di Asia ; Badak, gajah, maung, biruang, mencek, uncal, jeung sajabana
3. sabudeureun Australis ; Cendrawasih, Kiwi, platypus, jeung réa-réa deui
4. Di Afrika tengan jeung sabudeureuna : Rupa-rupa kalong, banténg, lauk piranha, kungkang , jeung réa-réa kénéh ^[2]

Dayeuh anu mibanda iklim tropis

• Nairobi, Kenya (1.3º S)
• Singapura (1.4º N)
• Jakarta, Indonesia (6.11° S)
• Manila, Filipina (14.35º N)
• Bombay, India (19.1º N)
• Rio de Janeiro, Brasil (22.9º S)

Tutumbu kaluar

• Tropen, Goethe-Institut http://wayback.archive.org/web/20150311063809/http://www.goethe.de/tropen (bilingual web site English/German with a lot of information and extracts from novels, short stories, essays, etc. written by explorers, conquerors and writers since the discovery of the so-called New World)

Tempo ogé

• Daur cai
• Sumberdaya cai
• Cuaca
• Iklim