Cau

Cau musa paradisiaca téh ngaran umum pikeun tutuwuhan herbaceous ti genus Musa, ogé pikeun nyebut buahna. Ieu tutuwuhan téh pituin ti wewengkon tropis Asia Tenggara, tapi kiwari geus dibudidayakeun ampir di sakabéh wewengkon tropis.^[1][2] Dina masing-masing wewengkon cau gaduh ngaran has sorangan, diantarana: gadang atawa gedhang (Jawa), biyu (Bali), punti (Lampung), unti (Bugis), koyo (Ternate), kula (Banda), uri (Ambon), jeung tema (Pulo Seram).^[3]

Cau
Tangkal cau
Klasifikasi ilmiah
Karajaan:	Plantae
Divisi:	Magnoliophyta
Kelas:	Liliopsida
Ordo:	Zingiberales
Kulawarga:	Musaceae
Génus:	Musa
Spésiés
Tina hibrid; aos di handap

Cau téh anggota kulawarga Musaceae. Sacara tradisional dipelak pikeun diala buah jeung daunna, laju ka dieunakeun diala ogé seratna sarta dipelak pikeun hiasan. Gebogna (pseudostem) nu jangkungna bisa nepi ka 2–8 m, sarta panjang daunna nepi ka 3,5 m.

Buah cau ngaranggeuy dina bentuk sisir (20-an) dina turuyna (3-20 sisir), beuratna bisa nepi ka puluhan kilo (30–50 kg). Beurat buahna rata-rata 125 gram, nu 75%-na mah cai. Buah cau euyeub ku vitamin A, B6, C, jeung kalium.

Pikeun melak cau, salah sahiji kondisi taneuh anu kedah diperhatoskeun adalah nilai pH taneuh. Kaayaan pH anu optimal pikeun melak cau nyaéta antara pH 5,5 nepi ka 6,5. Pangusaha cau kedahna nganggo pH meter tanah pikeun ngukur pH tanéh lahan anjeunna janten leres pangukuranana.

Kiwari, cau dipelak di 132 nagara, panglobana dibanding bungbuahan séjénna. Lian ti didahar langsung, cau ogé sok dijieun salé jeung kiripikna. Di pasar internasional, cau paling loba diékspor ka AS jeung Uni Éropah.

Cau (musa sp.) dibédakeun kana tilu rupa :

1. Musa paradisiaca var. sapientum (banana) : cau anu bisa langsung dikonsumsi di mana geus kolot tur asak, saperti cau ambon, cau lumut, cau raja, cau barangan, jeung sajabana
2. Musa paradisiaca forma typica (plaintain) : cau anu kudu diasakan heula saméméh dikonsumsi, saperti cau nangka, cau kapas, cau tanduk, cau kepok, jeung sajabana
3. Musa brachycarpa : cau anu di jerona mibanda siki, saperti cau manggala atawa cau kulutuk.^[4]

KoléCau KoléCau Kolé Cau Kolé

Rupa-rupa cau di Tatar Sunda

Cau ambon Cau apu Cau badak Cau bangkawulu cau banténg	cau beuleum Cau beusi Cau buhaya cau céré Cau emas	Cau gading Cau hurang Cau kapas Cau kepok Cau kulutuk	Cau limpung Cau muli Cau nangka Cau raja bulu Cau susu	Cau Kolé Cau abaka

Ékonomi

Cau salah sahiji buah anu pangseueurna diproduksi di Indonesia. Nurut data ti Badan Pusat Statistik taun 2016, buah pangseueurna diproduksi di Indonésia per taun 2015 nyaéta:

• Pisang: 7,3 juta ton
• Mangga; 2,2 juta ton
• Jeruk: 1,7 juta ton
• Nanas: 1,7 juta ton
• Durian: 995,8 ribu ton

Galeri

• 
  Cau 'cavendish' di toko grosir
• 
  Sababaraha kultivar cau robah kelirna henteu jadi konéng, tapi kalah jadi bungur atawa beureum.
• 
  Cau dijual dina potongan sisir nu teu weuteuh.