Sayang

Sayang nyaéta tempat anu ngahaja dijieun pikeun nyumput, ngajaga anak-anakna tina bahaya; sayang nunjul ogé kana tempat manuk jeung unggas séjéna ngendog tur ngagedékeun anak-anakna.^[1] Sayang dijieun alatan ayana pangrojong biologis tina hiji sato anu keur kakandungan, sok disebut ogé naluri nyayang.^[2]

Sayang manuk

Sayang manuk anu dijieun basajan ogé dimaksudkeun pikeun nyumputkeun endog-endogna sangkan hentu murag ogé nyingkahan tina gangguan sato séjén.^[2] Nyingkahan pangaruh cuaca: angin, panas, hujan, tiis, jeung sajabana. ^[2] Sayang ogé dibutuhkeun pikeun nanggeuy endog anu jumlahna loba.^[2] Mangsa geus megar tur jadi anak, sayang mangrupa tempat pikeun nyumput anak-anakna tina sagala bahaya bari nungguan indungna mangsa nyiar hakaneun.^[2] Sireum jeung rinyuh ogé nyieun sayang anu kacida gedéna pangeusina bisa rébuan, disebutna koloni.^[3] Dijero sayang aya hiji ratu anu ngahasilkeun endog 30.00 siki dina sapoé.^[3]

Gedé jeung leutikna sayang dipangaruhan ku jumlah anu ngeusianna, saperti sayang beurit: beurit ngaliang jero pisan kalawan leuwih lega di jerona bisa dieusi ku puluhan nepika ratusan beurit.^[4][5] Sababaraha rupa sayang malah bisa dimangpaatkeun pikeun yumponan kabutuhan vitamin jeung ubar sperti: sayang walét, nyiruan, sireum, jeung sajabana .^[6]

• Rupa-rupa sayang
• 
  Sayang anu dijieun luhureun tatangkalan
• 
  Sayang nyiruan
• 
  Sayang anu dieusi ku sakoloni
• 
  Endog lauk keur megar dina sayang
• 
  Keur miara anak-anakna dina sayang

Tutumbu kaluar

• Sayang manuk