Benwadi

Benwadi wa Hildesheim (jina asili: Bernward; 960 – 20 Novemba 1022) alikuwa askofu wa Hildesheim nchini Ujerumani kuanzia tarehe 15 Januari 993 hadi kifo chake^{[1] [2]}.

Sanamu ya Mt. Benwadi huko Hildesheim.

Kanisa la Mt Mikaeli lilijengwa na Benwadi.

Milango ya Kanisa Kuu la Hildesheim iliagizwa na Benadi mnamo mwaka 1015.

Alilinda kundi lake dhidi ya maadui, aliendesha sinodi nyingi ili kurudisha nidhamu ya wakleri na alistawisha umonaki^[3].

Benwadi aliagiza ujenzi wa kanisa kubwa la Mt. Mikaeli kwa mtindo wa Kiroma na pia kutengenezwa kwa milango ya shaba kwa kanisa kuu la Hildesheim; yote mawili yametambuliwa na UNESCO kama Urithi wa Dunia^[4].

Papa Selestini III alimtangaza mtakatifu tarehe 19 Desemba 1192.

Sikukuu yake huadhimishwa na Wakatoliki na Waorthodoksi tarehe 20 Novemba^[5].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko