Bwiru

Bwiru ni ndege wadogo wa jenasi Platysteira katika familia Platysteiridae wanaotokea Afrika chini ya Sahara. Zamani waliainishwa katika familia Muscicapidae. Ndege hawa wana ngozi tupu nyekundu au buluu juu ya au pande zote za macho. Kwa kawaida ni weusi juu na weupe chini na wana mlia mweusi kidarini. Mara nyingi dume ana koo jeupe na jike koo jeusi au kahawia. Hula wadudu na hulijenga tago lao kwa uvumwani na utando wa buibui kwa umbo wa kikombe katika mti au kichaka. Jike huyataga mayai 2-4.

Bwiru
Jike la bwiru koo-jeusi
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Nusufaila: Vertebrata (Wanyama wenye uti wa mgongo) Ngeli: Aves (Ndege) Oda: Passeriformes (Ndege kama shomoro) Familia ya juu: Corvoidea (Ndege kama kunguru) Familia: Platysteiridae (Ndege walio na mnasaba na bwiru) Jenasi: Platysteira Jardine & Selby, 1830 Spishi: Angalia katiba.

Spishi

• Platysteira albifrons, Bwiru Paji-jeupe (White-fronted Wattle-eye)
• Platysteira blissetti, Bwiru Mashavu-mekundu (Red-cheeked Wattle-eye)
• Platysteira castanea, Bwiru Mwekundu (Chestnut Wattle-eye)
• Platysteira chalybea, Bwiru Mashavu-kijani (Black-necked Wattle-eye)
• Platysteira concreta, Bwiru Tumbo-njano (Yellow-bellied Wattle-eye)
• Platysteira cyanea, Bwiru Koo-kahawia (Brown-throated Wattle-eye)
• Platysteira hormophora, Bwiru Magharibi (West African Wattle-eye)
• Platysteira jamesoni, Bwiru wa Jameson (Jameson's Wattle-eye)
• Platysteira laticincta, Bwiru wa Bamenda (Banded Wattle-eye)
• Platysteira peltata, Bwiru Koo-jeusi (Black-throated Wattle-eye)
• Platysteira tonsa, Bwiru Madoa Meupe (White-spotted Wattle-eye)

Picha

• 
  Dume la bwiru koo-kahawia
• 
  Jike la bwiru koo-kahawia
• 
  Dume la bwiru koo-jeusi